前排約咗班中同出嚟食飯，兩個人係我嘅中同，其中一個係個女同學條仔，同佢第一次見。 四個人計完我用會員個折同餐廳優惠券（啲優惠券本身可以同屋企人用），餐廳消費$662，除開每人$165.5。 畀錢嘅時候條女同條仔都已經係度自己傾話邊張信用卡優惠多啲攞多啲rebate，一個話呢張5%，一張4%。咁其實我都無所謂，我又無計到要佢畀埋呢5%畀我。 咁餐飯我畀$166，毫子位我都無計。我個男同學畀$170，跟住條女岀聲：你使唔使幾蚊都計！ 我黑人問號！我同男同學都係轉數畀你，又唔係畀cash你，個情況又唔係你無散子找，點解我要畀埋嗰幾蚊畀你？男同學$170齊頭畀你，我就要跟？信用卡做完5%rebate畀你，連我都要做2%畀你？