小弟入咗大學三年，最近越諗越覺得自己係咪有啲病態？事關我覺得自己越嚟越唔肯使錢，份人越嚟越孤寒 at least 對自己呀。以前中學一個月$4000零用錢我會用晒，甚至每個月要問阿爸阿媽攞多500至1000，每日中午食lunch outback 千両，閒閒哋都$150+入咗大學之後零用錢多咗去到$6000 ，但係而家我一個月嘅買交通 $800，都淨係total洗 $2500。每個月有$3500坐喺度買股票。三年期間我儲嘅錢連埋投資賺返嚟已經接近$200,000。而家已經日日食canteen飯，但係都仲係覺得食飯好貴，有時候諗住不如叫朋友嗌多飯，然後俾少少餸我食算。曾經都有衝動諗住食二手飯。而家每日都會喺學校讀書讀到夜夠鐘屋企食飯，咁就可以幫屋企慳咗冷氣錢同埋叉電嘅錢，然後成日斟學校啲免費水。但係最近諗諗吓覺得咁樣嘅行為同厭食症嘅人有異曲同工之妙。好似一種病態咁對慳錢慳上癮。我覺得一大部份嘅轉捩點可能係自己有做intern搵錢嘅經驗，同埋當我開始知道父母收入，兩樣嘢加埋就令我覺得錢好難搵，所以想慳錢。然後每次使錢就會有一行數字喺我腦入邊。父母兩人收入200,000，當一個月工作22日，唔好計放咗工OT，平均每日工作8小時，每秒淨係賺到三毫子，咁我食一個$150嘅飯就已經浪費咗父母500秒嘅努力。然後我又會覺得500秒好似都幾耐，總之我覺得而家嘅我已經好變態🤕🤕