其實比人bully既影響真係好大
香港都會大學
勿repost
我細個由小學比人bully到中三四左右
可能因為係咁 其實咁多年嚟發生過既野
除咗好深刻既我都唔係太記得
最記得係有次班房安排調位
坐咗係堆受歡迎既人附近
前面個位同學就特登係我面前同我隔離位講
佢有幾唔好彩先要同我坐
叫佢陣間轉堂賴我影響到佢申請調位
講完之後就同其他人傾密計 成個班房係度大聲笑
可能聽落好少事 但當你連續幾年每日比人摧殘
其實真係好大打擊
我到宜家都好後悔自己點解當初唔反擊
淨係識得趴係檯面偷偷地喊咗半堂
個日我翻到屋企第一件事就係吊起咗條皮帶想做傻事
個陣我得十四歲
其實我到宜家都唔知點解佢哋要bully我
都唔排除可能自己細個做錯事
我記得我好白痴咁問過 但都冇人答過我
我到宜家都好想知點解
之後我確診咗社交恐懼同PTSD
終於畢業升大學 結果入到lecture room
因為見到好多人就諗起比人bully
好驚要再經歷識唔到朋友 分唔到組 比人孤立
比人恥笑 比人當係奇怪人異類
於是我當刻驚到跑走咗
個下個感覺真係好挫敗 覺得明明過咗咁耐
宜家咁大個人點解咁少既事都克服唔到
幾年嚟係咁逼自己social 由0開始累積咗社交經驗
學點樣識朋友 點樣講嘢同溝通 撞板再撞板
比人哋遲咗咁多年開始其實真係追得好辛苦
當我以為終於冇咗呢啲記憶 終於幫自己開咗條路
可以做返個無標籤同適合係社會上生存既正常人
但結果原來睇回憶錄咁平常既嘢都會trigger到以前
一路睇就一路諗點解會比人bully
比隔離檯開心就施捨咁同你傾吓計 唔開心就西你面
見到相入面想同bully自己既人做朋友既我
諗起啲每日係學校睇人面色做人既行為
真係覺得自己好pathetic 突然有啲想喊
當我以為忘記咗 其實全部都仲係度 永遠都抹唔走
如果你哋班pk見到又知我講緊你哋
希望你哋下世會承受翻你哋今世送比我既呢份大禮
