好驚細佬會諗唔開做傻事😮‍💨

香港大學 工商管理及法律學系
啱啱晚餐嘅時候,細佬同阿爸阿媽講咗自己mock exam 考得麻麻哋,然後阿爸阿媽就發晒癲咁鬧細佬。冚咗佢兩巴仲要撕爛咗佢份成績表。我出生係一個五人之家,三個小朋友至我排第二,對上仲有個家姐。家姐已經30歲,我比家姐細四歲,今年26歲。細佬比我細好多,今年17歲。其實由細個我已經覺得父母對細佬好差,因為細佬係佢哋意外懷孕嘅小朋友。本身冇諗住生多個。我哋屋企都係專業人士,爸爸係一間大型公司嘅CFO,媽媽就係in house 律師,我家姐係醫生,考緊專科,我自己就係一個律師。我父母都係好勁嘅學霸,會考好高分,工作能力強,我自認比父母同家姐差,但都算係還可以。可惜細佬完全繼承唔到我哋屋企嘅讀書天份,所以由細到大父母都好嚴厲咁責罵細佬,成日鬧佢蠢同埋浪費資源。更加係多次侮辱佢間中學係垃圾,但係我細佬已經係一間Band 1 中學。細佬嘅成績喺正常定義中已經算唔錯, best Five 23-4分,足夠入三大。但係父母從來都覺得best Five唔可以低過30 ,迫細佬補好多習。但係作為阿哥嘅我,我知道細佬根本就唔係讀書嘅材料,佢係一個比較活潑鍾意運動嘅人。無奈阿爸阿媽就係覺得佢哋生出來嘅小朋友一定要係讀書勁。所以細佬由細到大父母淨係對佢不斷責罵同埋失望。啱啱晚餐,細佬俾咗爸爸睇佢份predict Grade ,細佬今次比平時失手咗少少。佢英文淨係Level 3 ,其他科都唔算標青。爸爸嬲到拍晒枱,講咗一對好難聽嘅說「其實你係咪我生㗎,咁鬼垃圾嘅成績你都考到?你咁嘅成績都三大都入唔到,咁你食得屎啦。我而家請人非三大都唔考慮啦,你到時乞米啊?你係咪智障?俾智障出聲呀嘛,我幫你申請匡智會…..總之你到時出路點樣你自己睇路,我唔養廢柴,用喺你身上啲錢我當抌咗落水,你大個咗之後自己睇路」我想幫細佬,但係我始終都係屈服喺爸爸嘅威嚴底下。因為我打從心底覺得爸爸嘅能力都係比我勁,佢講嘅嘢未必係啱,但係又好似唔輪到我出聲。
Like
Sad
Wow
230
73