香港大學生都幾有錢同埋大洗

香港大學
早一排同啲大學同學傾起佢哋一個月洗幾多錢,答案令我十分驚訝。普遍都洗緊一個月$6000至$10,000,有男有女。我知佢哋有啲有做兼職,有啲就係屋企俾晒。我自己都有做補習,不過因為我嗰科要好好嘅gpa ,同埋同科嘅人avg GPA 3.8+(唔自爆邊一科太少人讀),所以我淨係補一個學生。咁一個月補習嘅外快同埋屋企人嘅零用錢都有$7500($6000+$1500)但係就算一個月我有$7500 ,我都係洗緊3500左右,仲要係已經包埋一個月有兩三次大消費每次$500以上,其他日子我都係食學校canteen飯同埋屋企。我覺得而家同我同年紀嘅人好似好有錢,成日都可以買衫,買袋,買新手機,睇演唱會,隔一兩個月就去一次日本台灣,成日去$150嘅文青Cafe食飯。最誇張係我見有個女仔居然另一個Longchamp 袋,好似$3000-$4000😨 最疑惑嘅位係啲同學有錢嘅比例係比我想像中高好多,咁即係我喺社會中算係中下嗰一批?以我所知父母嘅收入都算係小康至中產(around 21-25萬一個月,視乎花紅/公司股票),但係我媽媽仲係用緊iPhone 7,爸爸用緊華為舊機,我自己已經係用緊最新㗎 iPhone XR ,屋企一年好難得都係抽到五日假可以去旅行,其他日子都係要返工,或者去外國公幹(爸爸要去美國媽媽要去上海)平時食飯都係屋企工人煮,出街食嘅話都係大家樂,譚仔薩莉亞嗰啲。我自己一場演唱會都未睇過,父母都話佢咁大個人一場演唱會都冇睇過。我自己慣咗咁樣嘅生活,冇話馬遠啲乜嘢,但係真係好好奇到底要幾有錢先可以Afford到咁樣嘅Lifestyle🤔🤔有冇人可以分享吓?
sticker
Like
Haha
Sad
135
84