點解偏偏係我？
香港專上學院
每逢佳節望住身邊嘅人都可以同屋企人好開心咁過，點解偏偏係我無可能？
由細到大，我老豆一直家暴我地。好記得細個有次唔知做錯左啲咩，佢一野抽起我，打開鐵閘扔我出去，我點喊點大叫都無人理我。有時發起癲上黎仲要拎住把斧頭定唔知錘仔周屋劈，仲會係咁大叫。好嘈好痛苦
到左我18歲考完dse某日，媽咪cancer病危，但老豆仲係咁發癲想傷害我地，我同家姐的起心肝即刻拎紅白藍袋打包啲必需品，就搬左去旺角某間酒店住左陣，就搵到依家嘅劏房住。
