某方面香港人都幾幸福
好易發達，大學又易入，又方便又高效
係住衰啲
其他都冇乜嘢
見人話香港係hard mode唔多同意
全部留言
香港都會大學
好易發達喺70-80年代就話啫
2024要發達就睇你老豆老母發唔發達啦
上一輩都係窮撚既話你好大機會都係做翻窮撚
就算有階級流動多數都只係由低下階層變中下階層，都稱唔上係發達
然後大學易入即係代表多人入多競爭
大學學位貶值
分分鐘搞到好似大陸咁爭住讀碩士博士然後「內卷」
再加上多得dss scheme, 國際學校呢啲
入大學既比例同階級比例掛鉤
換言之成個教育制度最後都只會係令每一個階級既人留翻喺自己階級
大部人都唔會有咩向上流動既機會
不過對比第三世界國家就一定好啲既
但係幸褔就絕對稱唔上囉
B1(已編輯)
Hard唔hard mode睇個人點諗，或者話其實唔係富二代嘅話，人生都係hard mode
不過嗰個Thread攞大陸嚟比較就超級唔認同😅
大陸純樸啲？？？學生過緊朝7晚9嘅生活，又早自習又晚自習，高三過嘅生活直頭唔係人過，農曆新年都係放三日，朝六晚十一😅過埋啲咁嘅生活仲要入唔到好大學都係bullshit
寒窗苦讀咁辛苦，出到嚟搵到一萬蚊人民幣已經好高，你可能話佢哋物價低，但係北上廣呢啲大城市根本唔低得過香港幾多，公司又閪，仲有埋啲咩996制度，稅又交得多過香港
發咗達就仲慘，會比共產黨抄家😅
咁嘅生活你過埋我嗰份，叫條友去大陸讀返年高中，體驗吓咩叫朝7晚9咁返學先同我講純樸啦😅
大學容易入我絕對認同 DSE考衰咗都仲有好多條路慢慢揀 係睇想唔想入啫
不過…好易發達？香港貧富差距成個鴻溝咁，一邊清潔姐姐每日朝6晚11不停做嘢都就嚟賺唔夠，另一邊fuck boy有錢到日日周街蒲/周圍飛去旅行
方便又高效雖然係上一代嘅人用血汗換返嚟嘅成果，但係冇我哋一齊咁辛苦去維持，又點會方便又高效？
況且人哋講嘅hard mode係心態上好hardcore，冚世界只會關心利益，做嘢做到忘曬本，甚至可以因為成日八卦，又同人地比較而搞到家嘈屋閉/背叛身邊嘅人，根本係近代/上一代遺留落嚟嘅病態心理
香港本身冇問題，係一片福地，冇乜天災
只不過香港人個個都心理變態，個個都obsessed with同人比較，幸福指數墊底真係唔意外
B1 我反而覺得香港上流嘅機會高過其他地方好多，香港地方細人又唔多，但相對好嘅大學比其他地方多。你睇下全世界有邊個地方係可以得幾百萬人口但有5間唔錯嘅大學？其他地方要競爭入到好大學係要同全國上下競爭，人地成個國家上下幾千萬人，甚至幾億人，每年考生都幾十萬，甚至幾百萬，要咁多人一齊競爭去爭入一啲好大學，改變自己命運，所以人地上流機會難好多。你自己諗下每個地方學生想入當地嘅頂級學府，例如中國學生入清華北大，美國學生入哈佛mit，英國學生入劍橋牛津，香港學生入港大中大，邊個最容易？一定係香港學生入港大中大，因為本地考生競爭人數少。喺香港入到好大學嘅難度低咁多，即係易咗接觸上流社會同精英階層，尤其是好嘅大學真係乜人都有，有好多人有錢到你唔信，要接觸到佢地都唔難，所以喺香港想向上流動係易好多，相反喺其他國家階級好固化，好難先擺脫到自己階級
😂我係用香港、英國、大陸同加拿大情況做最簡單嘅比較，大陸啲人得top 8%月收入有6000+， 入大學又難，加拿大、英國果啲啲人多數喺細嘅town 出世就唔會搬，一世留喺個town入面心滿意足