話說前陣子兩個月前，啱啱搵到工。因為讀書有d廢defer 咗半個學期，咁補返一科半科我就返full time啦。
間唔中請假補返進度。
咁我屋企人聽到我搵到工都好開心啦，又話請食飯慶。第一月出糧阿媽去咗旅行就請Daddy食聖誕飯，嗰時大家氣氛仲幾好,傾吓而家香港使費啊、份糧可以點樣用個d topic。當然都拉扯到家用同埋想我請返多餐俾媽咪。我當刻覺得都係輕鬆傾下，答佢有錢嘅時間會補貼返屋企，但呢幾個月尾都冇錢剩。
之後佢都不斷有重複呢個topic，但老老實實兩萬蚊人工扣咗請假返學人工，MPF…，拎到手萬4萬5到，再加上我要填補返未搵工之前嘅使費，荷包到月尾唔會有錢剩。呢兩個月都過住跌咗個包落地下都要執返嚟食嗰啲。
而上一個月尾開始，返屋企打開門突然間就俾爸爸冷戰，撩佢傾偈又唔理人，親戚食飯又唔預我咁樣。而且佢完全冇講發生咩事，而係媽咪後尾問返佢先至話20幾歲人唔俾家用所以嬲咗我。而最差係我俾埋糧單，銀行消費紀錄，我阿媽去計。佢都唔信我會冇錢剩。
所有回答都係 “我唔理啊，Blah Blah Blah”。
我忽然間覺得20歲喺家庭入面會咁辛苦咁磨心。好似真係除咗自己之外，冇人會理我嘅感受甚至存話。我知道細個養我嘅時候佢哋都好辛苦。但係喺佢哋唔差錢嘅時候要咁樣chur盡我我望住自己真係覺得好可憐。
而家喺我Daddy眼中就係一個透明人，而我媽咪就用啲瑣碎事去攻擊我，咩一個人點解要開咁多燈？點解洗面地下會濕？唔怪之得老竇會唔鍾意你？bahbah
我而家坐喺度嘅感覺就好似一個比地主養出嚟嘅奴隸，只要唔死 得就可以榨到更多value。其實呢個家庭從來就冇人care過我呢個人,只不過係一個俾人返嚟返去啊price tag.
而家呢個時間真係頹到諗有少少閑錢的話，租個細地方俾自己仲會輕鬆啲。
唔g香港呢個情況常唔常見，定大家平時有好啲嘅方法和平啲解決？
大人世界就要找方法展示自己價值
26%
家人係應該包容同理解處境
59%
太polly 心啫，老一輩嘅愛你唔明㗎啦
15%
330 votes・Poll is closed
