同男友識左幾日一齊 唔夠2星期叫我同佢啲frd去大陸旅行 行程都有野食有野玩
佢班frd有3pair夫婦/情侶 共六人 有次一齊圍問我知唔知佢地點識做開頭 然後就講起佢地係上人生課程識。好多時佢地會講課堂既內容 或者會話我會聽唔明因為佢地分享緊同課程有關的點滴。中間有時又好似敎會講見證咁話自己人生有進步乜乜乜。我聽到即時西面回報一個假笑 然後成班dead air …
返到房男友問我「你對佢地有無特別問題？」咁我照問下佢地啲關係丫 點識呀等等 我問佢「他們都是上課認識另一半嗎？我見佢地個個都好似好投入」佢就好似有啲嬲 好似嫌我誤會佢地 答我「佢地都係本身係情侶然後介紹另一半去上課的！」當然我都有諗：你唔會都想咁吧……
然後男友話呢個人生課程同出面講的不同 仲話咩等于比舊錢用簡單既方法體驗人生 我答「我日日都免費體驗緊人生架喎！」佢就好似好嬲 我就無再駁嘴 免得傷害感情，忍一時風平浪靜，但我好清晰總之我就一定唔會比錢浪費時間上呢啲堂。
返到香港 第一日明顯冷淡左 由一日幾次電話+message 到一日得2個msg加埋唔過5個字，第二日 完全消失
我唔介意佢好火爆 我接受人是有情緒，不過我比較擔心我們的關係是否建立于「找課程的下一位學生」之上，還是純粹的喜歡對方。
問題：係我多心覺得佢只係想sell我課程 定係 可以繼續keep睇下係咪我有誤會？歡迎大家意見。
