做私補做到好迷惘
香港理工大學
大學畢業左差唔多兩年，DSE完到依家一直做開私補，
補習社之前都做左3年，總共有5年補習經驗
（幾乎全部學生都係讀中學同補英文），
所有教材/練習全部都係自己預備。
依家幫緊個學生補英文，由F2補到依家F4，
收$220一堂，每個星期一次，每次一個鐘
（我覺得唔夠，但係個家長話冇時間），
最近佢家長問我點解個小朋友一直都冇進步，
我同個家長講因為佢小朋友個英文底差，
所以好多字都唔識解、唔識串，個腦知識庫得好少嘢，
個家長就話我應該去諗辦法解決呢個問題。
但係撫心自問，我已經擺左好多心機落去，
咩方法都試過，我已經唔知可以點，每日訓覺訓唔著，
個腦淨係諗住可以點樣幫佢提升成績。
我補過既學生入面不乏DSE考生，
幾乎全部都可以拎到Lv4以上，有啲可以拎埋星。
但係今次完全好迷惘，搵唔到一個方法幫個學生進步，
莫名其妙搞到自己好焦慮、好大壓力。
Sorry for 1999，我宜家個人好亂🙏🏻
