只怪自己初出社會無知
聖方濟各大學
小妹17歲做麥當勞，做到pt經理，因為讀緊Rn護士課程一直都想轉返做助護診所有關嘅pt。
一直喺moovup搵診所助護但好多都不受理，walking 入診所問填完都冇回音，本身都知自己仲係護士學生冇派又冇經驗好多診所都唔會請打定輸數，純粹想盡力搵試下。
今年1月上水有診所突然喺moovup搵我話請，寫住搵pt一星期返4日，每日返4-4.5個鐘。心諗竟然有診所肯請我，內心超開心即刻同個僱主傾details。我將呢份工當係第一位，佢叫我返工嘅時間我全部就曬亦都好比心機學好認真，麥當勞都好少返為左就佢。
但個僱主因為用另一個手機做工作事成日隔好耐先睇，之前傾details同約見工都拖到2月尾先可以正式返工。佢話即日出糧過數我okay左冇懷疑過。我屋企人話有啲怪似係請散工替假，同埋冇簽約好難有工作證明比我，但我一心諗住唯一嘅診所肯請我，叫我做牛做馬都得，做麥當勞咩苦都捱過，診所有得坐人工又高已姍好好，我一直咁同自己講。
返左幾日，大概識執藥快手左，佢就開始同我講夠人唔駛我返cut我更（本身佢排比我我就曬時間比佢），我都唔緊要當放下假，諗住係長做嘅pt cut下我更我可以接受。點知琴日返完工，今日出左糧比我同我講佢請左個長職唔駛我再返。嗰下完全呆左我琴日返工仲好地地仲想講執藥熟手左好多快手左好多，突然就比人炒左。。。跟住先如夢初醒人地一直當我係替假only。間診所開頭走左兩個姑娘所以先搵我頂住等佢有時間搵個長返嘅。
後來我忍唔住問佢係咪我做錯左啲咩所以咁突然要炒我，佢話純粹因為佢請左個長職可以返4日，唔駛我再返多謝我。。。其實佢請我時我都話可以返星期二三四五六，但係佢一星期淨係編兩日比我返仲cut我更話夠人。當時佢排曬成個三月更表比我，我三月返左兩日佢就炒左我。我已經冇再問落去唔再講，我知自己冇經驗已經輸蝕左比人更何況冇簽約乜都冇，只係覺得好唔開心我當佢第一優先工作佢當我水泡。
我有同學都喺嗰間診所到做左一年所以我以為佢會請我做固定pt好似我同學咁，一切都係我太天真🙏🏻同左個同學講我比人炒嘅經過，佢過佢驚下一個係佢，同埋佢今日返工朝早先問左啲做好耐嘅助護，呢間診所全部都係pt冇全職，不過係佢地返得多可以日日返。😔唔開心左成日😔男朋友都屌醒我話社會就係咁現實，請替假散工唔會寫出黎怕啲人知就辭職，今次真係當吸收教訓，但希望大家睇到呢到可以安慰下我🥲🙏🏻上緊堂收到條比人炒嘅msg直接喺堂上面忍唔住喊左出黎🥲
