小妹想訪問吓各位做緊紀律部隊/公務員既ching師姐，你地到底係點捱過probation？我入職第一個月已經覺得唔係好對路，但諗住做多排睇吓點先再算。 一開始個個都話政府工鐵飯碗又乜乜柒柒咁，點知入到去醫療又冇，退休之後冇醫療，公立資源又少；晉升機會又細，對上嗰班人年紀差唔多，希望要等多十幾廿年先有得諗升，但又唔代表一定有機會，你唔同啲大佬打好啲關係唔使諗有得升；人工又唔係特別高，又冇花紅/雙糧，做幾年甚至十年先有返咁上下人工，我喺出面私人公司做一年都多過依度做幾年，而家圍返都蝕晒😭 成班入到黎又好有優越感，覺得自己好威好勁，成日玩埋咩小圈子，其中一個唔鍾意就夾埋其他人黎玩職場欺凌。又成日擺款，一款高高在上既樣，打住旗號話：「我而家塞錢入你袋」「我都係為你好」，但實際就每一句就有毒既，句句diu落黎，但又唔知diu乜，成日雞蛋裏挑骨頭。 好簡單，班人問啲我未做過未學過既野，咁唔識好正常吖係咪？然後就會話唔緊要啊試吓估啦又唔會diu既。咁我咪9撞囉，咁我真係唔識吖嘛😭然後就一野diu落黎話你on9架？咁都up得出。 咁好啦，當我蠢學野慢，咁我本身身子又比較弱，間唔中要攞病假入醫院睇醫生，但唔係睇得好密嗰種，平均一年睇5/6次醫生咁樣。但班人就講到我日日射波咁樣，個個都黎生咁上身咁，明明佢地自己病都會射波睇醫生，但我就唔得？就係因為我係新人？ 最變態係我連做野同隔離同事傾兩句都唔得，講緊我係做緊野架，而嗰班人就停晒手冇野坐喺度吹水就得，全部都係雙標仔。之後我就長期被人監視，衰過坐監。 感覺依份工真係唔係人做，起碼真係唔啱我做，唔怪得請極都請唔到人做。想知其他政府工係咪都係咁😩我而家已經返工日日大壓力到有情緒問題，好辛苦。 我知19年之後仲做政府工真係好弱智，求diu得細力啲😭