24年第一日就比人係便利店落藥

匿名

1月1同朋友倒數睇完，返屋企前去咗便利店買宵夜。當時2點左右，便利店入面有2個店員，3個hehehaha好鬼嘈嘅男仔，仲有個睇緊報紙嘅啊叔。比錢時feel到背囊比人搞，檸轉頭一望就見到個3個男仔係我後面，之後繼續比錢時聽到個3個男仔係咁笑係咁嘈，因為佢地太煩我都冇為意佢地。比完錢行出鋪頭前見到，其中一個男仔隻手挨住係貨架，拎住粒藍色嘅野。我行出門口兩步就摸一摸自己袋拉練，冇比人扯開入面d嘢都仲係度，以為無事就算啦。返到屋企擺底袋後執返d嘢出來時，發現插係背囊外隔嘅水樽冇咗個蓋，而入面d水有層好明顯嘅粉係入面。個陣都未覺得有咩問題，以為冇咗蓋污糟入塵之類，直接倒咗d水落馬桶拎個樽去回收就訓。直到第日我再去返同一間便利店買嘢時，我係尋晚個男仔挨住個貨架見到我支水個樽蓋，成件事寸連埋一齊就好恐怖。

支水我係睇完煙花之後先買，買完支水直到入便利店之前只係飲咗兩淡而且中間我冇食過嘢。而睇完煙花搭地鐵時我背囊係打平放，如果係入便利店之前就已經冇咗個蓋，d水一早就係地鐵倒晒出來，所以個蓋就係我出站後到返屋企中途消失咗。而我係貨架再見返自己個水樽蓋，再加上夜晚比錢時feel到自己袋比人搞過，好大機會就係3個男仔趁我比錢時，打開我插係背囊支水個蓋，然後倒咗d不明粉末入去，然後再隨手將個蓋放咗係貨架。如果唔係冇咗個蓋，我諗我未必會發現到枝水入面有古怪，然後返到屋企繼續飲，到時就好難講會發生咩事... 不過已經隔咗一日，而且個樽同液體都已經比我倒咗，要追究都追究唔到。只可以係到提醒各位女卡友小心d，嘢飲盡量唔好外露或者放係自己視線範圍，如果支嘢唔見咗蓋，或者覺得有古怪就唔好飲，情願買過支好過... 唔知班男仔係一時貪玩定係慣犯，都唔知d粉末有咩效果，但希望打出來等大家小心d...