會突然暈倒,然後勁肚痛係咩事?

Anonymous
本人現在17歲,患有輕微地中海貧血。 早幾個月,有日返屋企嘅時候,突然間覺得手好痕,下腹都好痕,呼吸急促,面都紅晒。返到屋企後,開始嘔吐,下腹劇烈疼痛(似十級m痛,平時嚟m唔會咁痛)和埋肚痾,之後就想暈,但係迫自己行過去梳化度瞓低,keep住下腹痛同想暈,但最後無失去意識咁暈。 當時家中無人,但我有keep 住同家人講電話,佢哋即刻趕返屋企,後來聽到我話想暈,而且電話唔知道為什麼自己斷咗,佢地就call左白車,後來我就入左醫院。 呢個唔係單一事件。 我第一次是小學的時候,早上起來去了個廁所,就暈左(無意識),嗰時暈完之後冇下腹痛。而之後就經常隔一段時間,就會暈,醒咗之後下腹超痛。(有時可用意識頂住,冇暈,有時會直接暈) 上年有一次,那時月經很久沒來,早上起來,在去廁所時,無意識地暈,然後當日月經就嚟左。 每次去睇急症,幫我驗過血和尿,都話好正常。排左婦科,但要兩年後😿 平日來m,量大並會m痛。 最近嗰一次,係第一次覺得痕,呼吸急促的。 我下腹痛到我會係咁喺度嗌,真系好難頂。最近嗰一次,佢哋咪要趕返屋企搵我嘅,聽我媽咪講,佢哋接唔到的士,我爹哋走咗出馬路截車,真係好危險。而我媽咪自從嗰次之後,就變得成日焦慮,驚我有事。由小學開始,我就要屋企人成日擔心我,望住佢地咁,我真係好心痛同內疚。 呢件事困擾左我好耐好耐,希望如果有醫生見到,或有相關經驗嘅人,可以比啲意見我,我點解會咁樣同點去解決呢件事。萬分感恩🙏🏻
Like
88
18 comments