匿名

交友app(異地戀)

4月5日 05:03
見有唔少人都有用交友app,我一直都想分享吓自己用交友app嘅經歷。 中文有啲廢,請見諒 我第一次用交友app係2014年,中四,毒撚一個,低自信。當時係想透過用英文同外國人溝通,訓練吓自己啲英文語言能力。當用咗幾個月,每個人都係傾一兩句,有啲都維持到一兩星期,但絕大部分係一兩句。直到有日遇到個係美國住嘅女仔,大家傾得好投契,傾咗幾日,自己開始上Facebook,google揾吓呢個女仔,一黎想瞭解佢多啲,一黎怕係網上騙案。一揾facebook,真係有佢,亦都有人tag佢。大家日傾夜傾,生活瑣碎事無大小都會講。每日就係透過whatsapp,搞到whatsapp lag機,沒位要換電話。雖然在電話中確定過彼此嘅位置,但一直都沒機會見。一個係東,一個係西,唔係天水圍同柴灣,係美國同香港。 一直到前年新年,我終於去咗美國,第一次見佢。第一次見果陣,心諗萬一佢見到我成個毒撚咁,搖頭掉頭走咁點算,心裡面淆到仆街,最後當然沒事。我同佢都係唔鍾意開口講野嘅人。果幾日同佢一齊,雖然唔多講嘢,但個感覺好舒服。果幾日,時間好快,但只係幾日,又點填補到之後又要分隔兩地嘅思念。返香港果吓係好唔捨得,但彼此都明白。因為之前一直都用whatsapp交流, 所以都好快適應得返。 有人會覺得異地戀好辛苦,交友app識人好難維持,又或者用交友app前路好渺茫,沒咩機會識到人,所以我都純粹分享。使用交友app時,小心騙子。
愛心
50
.回應 15
共 15 則回應
香港浸會大學
咁原po嘅英文係咪提升咗好多🤣
沒進步到,依然成pat屎咁 B1
香港理工大學
咁多年先見一次面 點樣維繫到感情?
點解冇字會打做沒字 好唔順口(sor for off topic
香港浸會大學
B2 🤣🤣因為D人成日話最好學語言嘅方法就係同外國人拍拖!!但你同佢溝通果陣 唔會出現唔理解嘅情況咩?
沒話點維繫,可能彼此都習慣咗 日常溝通都係whatsapp 好少視訊 B3
我英文差導致有誤解嘅情況就經常有,好多時係諗住講吓笑,但佢又唔知你講緊笑同語氣,搞到有誤會。 有誤解其實唔緊要,只要有耐性解釋返都沒咩問題。 B5
香港理工大學
B6 唔會好想見吓對方,攬吓對方咩? 你地咁樣維持到5,6年真係好勁
當然想啦,不過去一次機票同洗費太貴由B8
香港浸會大學
B9 唔會冇咩安全感咩😳😳
都擔心㗎,不過雙方基本上都秒覆,所以都沒咩嘢B10
香港知專設計學院
緣份呢啲野~~~~
係咁啱,我同佢都好宅 😂B12
香港理工大學
諗起之前試過喺overwatch到識到個細我一年、住喺馬來西亞嘅男仔,交換埋電話whatsapp成日傾計。到有一日佢話佢鍾意我,我問起long d呢個問題,佢話可以嚟香港搵我、到佢yr 1去澳洲同我一齊讀書 (嗰陣我dse諗緊去澳洲讀),嗰一陣真係好sweet,不過自己太擔心long d呢個問題所以拒絕咗。 樓主同女朋友要幸福啊~ (羨慕QAQ)
多謝😂異地戀如果雙方明白將會面對嘅困難同有耐性,同時經濟許可下都可以發展嘅B14
馬上回應搶第 16 樓...