老母嫌男朋友係公屋仔
匿名
一直都覺得我老母好市儈所以唔想比佢知我拍拖
但拍咗幾年唔想成日講大話瞞住 好辛苦
所以同我老母講咗我拍拖
點知佢一開口關心嘅嘢全部都係錢
一黎就問我佢住邊
又話下又揾個住公屋嘅（但我地都係住公屋）
跟住就係咁問收入 問返咩
然後就話
🧑🏻🦰：我好唔滿意囉，佢做呢啲工又住公屋 bababa....
然後講到明叫我唔好諗住同佢結婚 拍下拖就好
成個過程係無關心過我地點識 一齊咗幾耐 佢對我好唔好
剩係識問錢錢錢
另一次就係我生日
我男朋友送咗ipad比我
返到屋企我老母見到問係咪佢送
一聽到話係佢送即刻又扮哂嘢咁話
🧑🏻🦰：咁我呢，佢唔洗送嘢比我㗎？我部電話都就黎壞，唔係應該要送嘢比我嘅咩
我聽到已經即刻話
下，點解要送比你
個老母剩係識睇錢好辛苦
雖然我同男朋友拍拖係我地兩個人嘅事
但如果佢一路咁樣唔同意又咁市儈最後唔通又要反哂面咁咩
有時真係唔明啲父母諗咩
有錢又唔等於對你好 點解睇到錢咁重
