香港中文大學

心痛

1月30日 11:58
[長文(?);尾有TLDR] 話説 我啱啱三個月幫咗一對情侶不斷做樹窿 同雙方都好friend 兩個間唔中都會搵我傾心事 有一次 個女仔約我出街同佢散心 講感情問題 之後陪佢返屋企 佢講講吓喺地鐵站喊咗 我就下意識攬住佢 安慰佢 之後漸漸我不知不覺間鍾意咗佢 有一晚同個女仔講電話 講講吓 講佢鍾意咩type 我唔知做乜9突然之間問佢 「你有冇鍾意過我?」 佢唔答不突止 仲返問我 「咁你喺咪鍾意我?」 我靜咗。 之後佢就補刀 「唔講即係係啦:)」 「係。但係我都唔可以同你-」 「我都係:)」 就喺咁 我同佢開始咗半段關係 *佢哋嗰陣時仲嗌緊交/是但有一邊有啲唔開心 (補充:條女係疑心好重嘅人 因為經歷咗一啲感情創傷) 中間其實冇發生啲咩 佢條仔唔得閒就陪吓佢 (利申 出街有拖吓手 挨膊頭 攬佢 但係冇做啲過火嘢 eg Kiss或以上) 佢哋有啲咩唔開心我又繼續幫佢哋調解 有一次我送條女返屋企 佢同我呻佢條仔啲嘢 (補充:嗰日朝頭早佢同條仔有啲拗撬) 佢唔信條仔唔會咁容易離開佢 所以條仔口講唔煩 佢想知條仔點樣諗 就叫我打俾佢問 (條女有份聽電話) 真係問得出條仔嘅心底話 佢就好嬲好嬲 我又坐咗成晚喺度陪佢安慰佢 睇住佢同條仔講電話講數 話其實條仔點諗可以同佢講 講完之後 我屋企都返唔到 要搭N車再轉車 (真係好遠呀屌) 結果隔咗幾日 佢同條仔和好之後 我同佢講話 「其實你應該慢慢點樣學識自己同佢解決問題 我唔可能一味係你地兩個身邊」(前面已經解決咗好多次問題) 佢都認同 但又唔想一下子斷絕關係 反而去到而家 辛苦嗰個係我 每次見到同佢地出街 見到佢哋兩個放閃 其實我個心都好痛 同以前嘅我唔同 好似再做唔到朋友咁 我每一次都唔出聲 唔望 冇眼神接觸 因為我真係好驚我喊出嚟 其實我咁樣喺度作賤自己 係真係因為我愛佢 後面cm嘅朋友唔使屌醒我 我自己知我泥足深陷 沉晒船 大家想俾意見嘅都歡迎 我知自己係渣男 你鍾意鬧都可以鬧 純粹就係擺篇文喺度發洩吓 多謝你睇晒:) - TL;DR 做樹窿做到鍾意咗人 不能自拔但係發現太遲
330
回應 32
文章資訊
熱門回應
謝菲爾德大學
你呢啲叫第三者 做樹窿切忌太過代入人地諗法/認識太深入
香港職業訓練局
識玩 同時享受哂兩個男仔既愛 希望個女仔唔好再咁貪心 做一個好既樹窿可能要考牌.. 希望你快啲走出
離開啦沉船樹窿 你唔離開嘅話三個人都會受傷
共 32 則回應
離開啦沉船樹窿 你唔離開嘅話三個人都會受傷
謝菲爾德大學
你呢啲叫第三者 做樹窿切忌太過代入人地諗法/認識太深入
原 PO - 香港中文大學
B1 都慢慢離開緊 thank you :)
原 PO - 香港中文大學
B2 我發覺自己好多時候俾意見都會首先代入人哋諗法 應該產生左一種保護感 依家知道就應該唔會再㗎啦
香港恒生大學
個女仔只係玩緊你
香港職業訓練局
識玩 同時享受哂兩個男仔既愛 希望個女仔唔好再咁貪心 做一個好既樹窿可能要考牌.. 希望你快啲走出
香港城市大學
B0 唉 樓主你太好人 港女...你懂的 收兵派帽好人卡認契哥樣樣齊 最好唔好有任何期望 btw 好似電視劇嘅悲劇... 希望樓主搵到真正鍾意你嘅人啦 利申:A0狗 人稱愛情專家 做過frd嘅愛情顧問😂
香港專業教育學院
雖然係辛苦 但時間會過 過左諗番轉頭就乜事都無 勸你快d搵另一個中意嘅女仔
快啲走啦,條囡擺明係收兵
傻豬黎 佢鍾意你就一早同男朋友分手同你一齊啦... 只不過係無聊 想多個人關注佢... 明知你鍾意佢 仲同你保持朋友以上嘅關係 即刻斷絕同雙方嘅關係 你已經背叛咗男方 同女方出軌 兩邊都無可能做返Fd㗎啦 直接抽離自己算啦 當係普通失戀 我身邊有人都係咁 嗰女仔撩埋佢上床 一段時間後 嗰男仔終於頂唔順要女仔2揀1 嗰女仔都係揀咗男朋友 轉頭就同男朋友去旅行 跟住同男朋友鬧交 又搵返嗰男仔 同佢講 旅行無同男朋友上床 個男仔信咗 你覺得佢係真信 定自欺欺人?🌝
香港城市大學
冇錢收既Ptbf?🤒
船已沉,依家仲有自救能力好快d斷左段關係佢
香港城市大學
B10 你咁講我對港女更加驚同敬而遠之 啲女收兵認契哥派帽咩都有,仲有咩做唔出?
香港城市大學
條女係bitch 樓主唔好沉落去喇😞
B13 咁男女都有垃圾 就好似嗰男仔明知嗰女仔有男朋友特登埋身 出軌者同第三者都有錯 成件事最慘係嗰男朋友 好慘真係 所以帶眼識人😢
原 PO - 香港中文大學
B6 差唔多啦差唔多啦 多謝晒🥰🙇🏻‍♂️
原 PO - 香港中文大學
B10 有時自己呃自己都係一種心靈嘅慰籍嚟嘅:)
原 PO - 香港中文大學
B15 我都唔想㗎 感覺呢啲嘢冇辦法 我都幾渣我自己知 希望以後都唔會有啲咁嘅情況啦
原 PO - 香港中文大學
B14 唔沉啦唔沉啦多謝你🥰🙇🏻‍♂️
香港城市大學
加油😢 B19
香港專業教育學院
其實個女都有問題...
香港大學附屬學院
點解經常見到中大男仔咁樣😂😂😂
做過書窿都會明嘅,做得多自己都會有少少灰。我就未試過沉迷做一個樹窿,但我試過對一個陪我呻嘅人沉船咯😩希望你都可以快d離開呢段咁toxic嘅感情唔好再比呢個女仔用完即棄。
香港公開大學
水泡
做樹洞不嬲吃力不討好 做好似做空GME咁 建議樓主及早止蝕離場
香港中文大學
B22 我都覺。。。 條女都係鐘意自己男朋友 但係又因為兩個成日拗撬 自己感覺唔開心/辛苦 咪揾你做下水泡/備胎 籍着係你身上攞下安慰 同男朋友冇問題佢就自然掉低你咖啦
原 PO - 香港中文大學
B25 GME 大法好🙇🏻‍♂️🙇🏻‍♂️
香港中文大學
B2 聽君一席話,勝讀十年書
謝菲爾德大學
B28 咁讀十年有用既書肯定好得多
香港公開大學
仆街
香港中文大學
你已經插左半隻腳入佢地關係度 自覺拖手同攬唔過火都只係自欺欺人 盡快盡快斬欖 個女仔唔會揀你 你繼續係咁只會付出好多而得唔到任何野 :(
香港理工大學
樓主呢個情況只可以自己自救。 我自己估啦,個女仔一定係鍾意自己嘅男朋友多過你。但係佢唔開心會搵你,有咩事第一時間同你講心事,但係佢唔會覺得自己係出軌或者收兵。佢會同自己講,你係佢嘅best friend,搵friend講心事好正常啫,所以佢唔會主動同你斷聯繫。呢種情況下,只可以樓主你狠下心離開先可以擺脫呢種情況。 Ps. 個女仔嘅角色, 同埋樓主個角色我都有相似嘅經歷...