香港樹仁大學
B17 我唔知佢女朋友係點樣諗 佢係咩人 但係我嘅睇法係可能真係唔想靠男朋友 始終男朋友唔係老公 老公都話係屋企人有咩事大家幫對方 但係男朋友一句分手佢同我咩關係都冇 自然佢話可以養我 或者可以俾錢幫我 嗰啲錢都唔會想要 或者唔覺得係可以用嘅錢 到頭來都係會覺得我靠我自己可以搵到幾多 尤其是筆數嘅來源係屋企人 唔係我自己 所以更加唔想靠男朋友 兩個人共同出街嘅洗費或者去玩嘅開支 我會唔介意男朋友出 請埋我個份 但係直接俾錢嘅話幫我還錢 我只會覺得係欠咗佢 ptgf至少我可以當自己去返工 我係用自己能力得到嗰筆錢 我自己都有幫屋企試過揹條數 還錢還咗兩年先完 我真係當還返自己佢哋養我養到18歲嘅錢比佢哋 然後而家冇再同屋企人聯絡 一直都係靠自己 可能會有啲人覺得使乜幫屋企還錢 我會話家家有本難念的經 即使係男朋友都唔會掌握到對方屋企嘅財務狀況 所以依方面就唔方便講到底應唔應該幫 再者 我會有擔心會唔會男朋友覺得我同佢一齊係為咗錢 或者對方會因為幫過我 借過錢俾我 都唔知邊一日就會覺得我係屬於佢嘅人咁樣 就算對方再好或者佢再點樣表達冇咁樣嘅諗法 但係係我嘅角度來講我都會想避免 亦都唔想將自己完全捆綁喺男朋友身上 如果話已經返兩份兼職嘅狀況 我相信要抽時間返第三份都唔係咁容易 所以依一行無可否認係其中一個女仔能夠搵到快錢嘅方法 我唔認同有男朋友嘅時候做 但係我明白困難嘅時候為咗錢真係咩都可以做得出