香港城市大學專業進修學院
如果樓上某幾位未試過屋企爭人錢,真係唔該唔好諗到咁簡單 家家有本難念的經 唔係話唔幫就得 又或者佢地址報同你一齊住 被人煩既都係你 啲收數佬係唔會信「債仔已經唔係呢度住」佢只會不停煩住佢見到嘅人 我屋企都爭人好多錢 講緊既係我爸我家姐同我 3個人都借左財仔/銀行錢 都未還得清 我估基本上有好多爭人錢既女仔都有諗過搵快錢黎還錢 唔好話女仔可能男仔都係 我自己都成日會諗想揾快錢 希望可以快啲還完 比自己過返啲安樂生活 唔係因為拜金 係你想像唔到還唔到錢有幾辛苦 試過凌晨3點幾俾人瘋狂咁門鐘 催你還錢 你打開門會有人偷影你 然後張相比人貼係成層樓黎催還錢 即使你唔係個債仔 雖然最尾過唔到自己 但呢個諗法一定會出現 因為你會不停係咁諗係咁諗有咩方法可以還錢 B18講嘅完全係我諗嘅 男朋友同老公始終唔同 你借錢比我 我就好似變咗低一等咁 之後我想同你扭下計都可能要諗吓 大家關係已經唔係對等 同埋分手又點計 寧願爭街外人都好過 我自己既諗法係直頭唔好拍拖累人添 B10個女仔嘅諗法好現實好仆街 但你都唔使講到全世界爭人錢嘅女仔都係咁嘅