香港專業教育學院
唉,上面啲回覆都唔回應個問題既,樓主問「咁點」啊!佢問緊解決方法!都唔係叫你地幫佢分析問題,全部零分重作啦。 還50萬係咪啊?你咩詳細背景都冇講我當你同佢係成年人而且有正職架啦。因為你睇落好急,所以正路野同偏門野我都會講,企起道德高地既人就咪覆我啦唔該! 解決方法1 「賣器官」 (快錢、偏門野、治標、一次性) 有啲器官冇左一個你個身體仲可以運作,有咩可以賣自己查,窿路都要自己搵或者搵到熟人介紹,我就唔會比到你架啦,因為我唔接觸呢啲野。但係我建議賣器官果條友要係條債仔本人,種其因者,須食其果。 解決方法2 「賣身」 (快錢、偏門嘢、治標、依賴性) 我唔知你女朋友邊個屋企人欠債,都係要求條債仔本人做架啦,係女人既就易賣啲,係男人既都有男妓存在。 解決方法3 「正式申請破產」 (正路、長期、要堅持、需合法) 首先申請破產唔代表你唔使還,而係之後要做債主既經濟奴隸。同埋希望你女朋友冇做佢屋企個債仔既擔保人啦,詳細可以上google打「破產 欠債」查下。但係個問題係佢之前唔可以係向黑社會借錢,因為佢地唔會理你係咪破產。 跟住係「處理方法」,解決唔到件事但係可以咁樣處理。 處理方法1 「好似個仆街咁問親朋戚友借錢還」 (偏門、治標、失去朋友、一次性) 借錢還錢最緊要係唔好借啲會計息既貸款,令條數唔好滾大。咁就理所當然係向熟人問啦,而且都係建議債仔本人問。 處理方法2 「債務重組」 (需合法、正路、長期) 問銀行一般都有,但係問完可以再點處理就要睇你女朋友屋企既詳情啦,我答唔到你。唔好直接講冇用條數太大,問左先啦好冇? 處理方法3 「脫離關係」 (最直接、要快、要狠心) 3.1 - 你女朋友同個債仔脫離關係 仆佢個臭街,生個女出黎幫手還債?你勸你女朋友斷親啦,做人老豆老母做到咁樣真係斷左佢好過。你女朋友打兩份工應該夠起出面租屋啦,再唔係咪張你果份「閒錢」補貼佢租屋囉。 3.2 - 你同你女朋友脫離關係 一了百了,反正如果佢落左海你唔會原諒佢既話,佢又話會咁做,唔洗我講啦? 處理方法4 「建立新關係」 (關鍵係愛啊樓主,係愛啊) (你對佢既愛夠唔夠啊?佢對你呢?) 求婚階段就算吧啦我唔提啦,直接比張結婚證書佢簽啦,搞婚禮嘥錢。要你女朋友冇得諗欠唔欠人情,直接等佢要還足一世債比你。簽左就直接搬去同你住,我話知你屋企有其他人定好細。 (佢唔願意我就要笑你一廂情願啦) 大事大非既野做男人就強勢啲唔該。 此時結婚好處: 一係佢即時有名目搬去同你住,唔會比追債佬騷擾。壓力同休息既情況會天同地比。 (希望佢搵唔到你地址同埋男朋友關係) 二係佢可以緩解心理壓力知道你對佢唔係「人情關係」係「互相扶持」既關係,係有人撐佢既。如果佢都係過意唔去既話,你可以反問番佢, 「咁我殘廢左或者欠人債你唔會幫我?」 (佢答係既我就又笑啦) 三係你將會有大把時間將佢拉出個局入面,叫佢睇清楚個情況,勸佢斷絕關係。佢依家起果個屋企食住訓,又係還錢既一部分人,好易會疲於奔命咩都冇諗清楚。 四係佢父母可以擔心少一個人,可以考慮著草。 五係,如果你玩盡啲既,你同你女朋友去借正當既信貸再私底下比佢屋企還又點話啊?你地兩個仲後生,相比佢父母而言,啲公司批個價都會鬆啲個還款期都長啲啦。不過數擋數我唔建議。 我用十分鐘睇曬成個post啲留言加你篇文章,就剩係諗到咁多姐,唔知有冇用。 最好既解決方法係咩真係要你地自己諗,關乎一個家庭既問題係好撚尻沈重既一件事,雖然我唔知你插唔插到手,但係加油啦!呢個世界冇幾多人真係愛到可以用我既方法去解決,最簡單就係分手。完。