唔想男朋友做保險，佢好似俾人洗腦咁款。
男朋友入左aia到做，雖然知道唔係呃人間公司都係出名，但我覺得佢自從開始返個人就變曬。
依家成日都同我講佢公司啲阿頭幾勁幾勁，全部年薪過百萬咩MDRT，想好似佢地咁，但重點係佢依家只係去到training，連單都未開就已經係到講要做MDRT，又話好想開單好想開單、又講啲人對佢點好法，總之無一句係話佢地衰，每次聽到我都心諗，你估人地同你有親咩你當人地神咁拜人地當你係乜。俾我嘅感覺好似俾人洗左腦咁。
因為我唔多鍾意保險，話過佢保險狗，驚佢以後斷六親。叫佢唔好信曬人地講都要自己分真偽，之後我每次都好冷靜咁同佢去傾，但依家一旦我講起佢份工佢就起曬鋼，溝通唔到。成日話我諗到啲人咁衰、邊個得罪你點解你咁諗人地、你又未接觸過你點知。
之前因為俾人呃過上傳銷training，諗返起個training模式同我男朋友依家一模一樣，可能係我自己有啲陰影先令到我對保險有抗拒。但係依家我男朋友嘅狀態同我之前迷失左嘅狀態一樣，諗錢諗到癲咁款。佢淨係諗住做保險可以發達搵大錢，但完全無諗過係咪真係做到。
唉，究竟係我有問題定點。唔知可以點😭
