想同大家分享一個寧願要大陸雞，都唔要拍咗拖四年女朋友嘅故事，有啲長同講到1999，希望大家唔好介意

匿名

交代一下背景，女，今年21歲，前男友22歲，係對方嘅初戀，一齊咗四年半，喺外國嘅中學認識，識咗無耐就一齊咗，見證住大家中學畢業，一齊考入理想嘅大學。我哋一直都好甜蜜，幾年嚟陪對方渡過好多難關，大家翻香港搵part time嘅時候，又會去接對方收工咁。雖然間唔中會嘈下交，但一直視對方為終身伴侶，有咩大家一齊拆掂佢，又會傾下我哋嘅未來，上年6月仲開始咗同居生活。同居生活其實一直都過得幾開心，我一直將佢照顧得好好，家頭細務全部我包辦。大家有大家嘅空間，佢有佢打機，我有我煲劇，但佢打完一舖就會過嚟望下我，睇下我做緊咩，同我傾幾句，關心下我咁。直到今年二月頭，佢打機識咗班大陸人，當中有五個男仔一個女仔係玩得比較熟。由嗰陣時開始佢部電話就變咗個禁忌，拎佢電話或者望一望佢啲打機gp都會成個人起晒鋼。而佢打機亦打到好無節制，成日玩到唔知時間，晏晝玩到夜晚九點幾十點先醒起我哋未食晚飯，然後先過嚟問我要食咩。雖然一齊住，但每日講嘅說話都幾乎唔超過十句。嗰陣時開始，我哋多咗拗撬，我發脾氣或者喊佢都係冷暴力處理，等我喊完佢就行過嚟扮無事，而我成日都會衰心軟原諒佢。然後就繼續重複哩樣嘢，不停打機，鬧交，不停打機，鬧交。就算我喺佢面前黑唒面，佢都係眼尾望咗我一眼然後繼續玩。去到三月頭，大家都頂唔順，分咗手。分手嗰晚我無瞓過，自己一個人諗咗好耐，認為問題只要大家好好溝通，係可以解決嘅。四年幾嘅感情，實在唔想咁輕易放棄，所以我好卑微咁求過佢好多次。跪喺度求佢，喊到崩潰喊到嘔，同佢講我會做好啲，但佢都係無理我。我問佢點解，佢話淡咗，話唔愛我了。問佢係咪鐘意咗嗰個大陸女人，佢又話無。然後佢已經費事理我，直接閂埋房門，嗰刻嘅我好似比自己嘅世界拋棄咗咁。就係咁我哋分開咗，因為喺外國，我無屋企可以翻，臨時又搵唔到地方搬，所以分咗手我哋都仲係住喺同一屋簷下。我成日都忍唔住望佢，想知佢做緊咩，忍唔住想關心佢。傻傻哋以為我哋都仲有一絲可能可以一齊翻。朋友們都同我講，無人會想一直湊仔，最後好嘅人只會係我。其實道理個個都明，但若由我可記事嘅年紀開始計，其實同佢拍拖已經佔咗我人生超過四分之一嘅時間，又點會咁容易放得低。所以嗰排我真係過得好掙扎好辛苦，自己匿埋喺房喊，每日同自己講唔好再諗起佢，佢唔要你啦，但一出房見到佢嘅時候，幫自己做嘅心理建設又全部土崩瓦解。直到前幾日，佢行開咗而電腦無熄，我先發現原來佢一早已經精神出軌。佢由二月開始除咗不停同班大陸人打機，就係睇嗰個大陸女人打機嘅直播。佢電腦開住直播室嘅編號，我自己翻房用電腦一search，就發現佢一早喺直播室課咗好多金比嗰條大陸女。因為有課金排行榜，加上條大陸女有post人哋課金比佢嘅相出嚟。其中一個post就係2月14情人節我ex課重金比佢又示愛嘅screenshot。可笑嘅係當時我哋仲係拍緊拖，係我哋一齊嘅第五個情人節，好驚喜哋佢竟然買咗束花比我，嗰陣嘅我真係覺得好幸福，以為我哋會一直咁sweet落去。但原來佢現實中送花比女朋友都不忘上網課重金比自己個大陸新歡。而今日我先知原來佢同個大陸女人已經一齊咗，佢電腦開住wechat，見到佢哋嘅對話要幾sweet有幾sweet。我望到嘅時候都真係唔知比咩反應，錯愕之餘係覺得好核突好嘔心。綜合唒所有嘢先知佢一早已經背叛咗我，可笑嘅係條大陸女已經成二十七二十八歲。睇咗陣佢個直播，條女把聲又唔係好聽，用詞又大陸又粗俗，仲會姣仔叫人課金比佢，時不時同各個課金爸爸打機，雨露均霑。然後仲見到我條ex好激動一路送嘢一路喺chat嗰度打666 nb，我見到真係 =,= 得淡笑，睇緊馬騮耍雜技咁，見到都覺得丟架。而佢哋素未謀面，識咗只有短短個幾月嘅時間，佢就唔要拍咗拖四年幾嘅女朋友，同佢搞網戀。值得一提嘅係三年前左右佢喺香港收到大陸嘅詐騙電話比人呃咗兩三萬，所以當我知道佢識咗班大陸人嘅時候叮囑過佢好多次打下機就算，唔好同佢哋有金錢瓜葛，佢次次都話知啦。但原來一早就開始咗直播室乾爹課金之路。其實有少少腦嘅都知人哋只係當你atm，你無唒錢嘅時候就會令覓金主。其實而家我都幾想佢快啲比人呃晒啲錢，而佢就要為自己嘅愚蠢埋單。搞笑嘅係條傻仔以為我乜都唔知，每次經過佢部電腦都會急急腳㩒去youtube驚死我見到咁😂大佬，唔係所有人個腦都好似你咁殘。每日望住佢啲低能行為真係覺得同佢一齊咗咁耐係自己嘅人生污點。