我應唔應該同女朋友講我叫過雞

匿名

真係好想問下大家意見講返背景，我同佢差一年，廿幾歲，依家去到談婚論嫁既程度。我同女朋友係大學識，都係大家既初戀。但係我女朋友係初初識既嗰幾年都唔比我掂，攬錫都已經係兩年後既事，而性行為就係更加耐之後既事。我覺得自己性慾都係比較大既，但初初識嗰幾年掂都冇得掂，同身邊既朋友傾嗰陣又有意無意聽到佢地既炫耀，就令到我心理有少少唔平衡同對性行為依樣野更加有好奇。神推鬼㧬之下我叫咗一次雞，自始以後都冇再有依個諗法，亦都有少少後悔，好似人生有一個污點咁。嗰次之後有做過身體檢查，確定自己冇病先敢同佢繼續行落去。我上兩段打既唔係想合理化我叫雞既行為，只係交代翻點解我會咁做，我好清楚自己係做錯咗，亦都好肯定自己唔會再做。但最近傾到結婚嗰陣，同佢坦白依個諗法就一直出現。我覺得結婚係一件好大既事，應該要對雙方都好清楚了解之後先結得，所以有就坦白既諗法。之前都有借啲意咁問過佢對男朋友叫雞既睇法，佢最後冇比到答案我，但傾既過程就好激動好大反應，所以令到我更加唔知應該點做。我一邊覺得應該要為自己既錯負責，就算結果真係要分手，都係我自己攞黎。另一邊又真係唔想同佢分開，我真係好愛佢，唔想傷害到佢。所以真係唔知道應該點做。