利申 一定文長😂 同埋希望留言唔好鬧交 始終以個人價值觀出發 講緊嘅嘢係我自己
我自己第一次搵sp 係同ex分手之後
嗰陣我第一次係同佢一齊發生 分手嘅時候佢話覺得對我好似性愛分離咁
嗰陣嘅我唔係好理解到 但係我好想知到底有依種諗法嘅人係點樣
搵之前都有啲底線嘅 肯定對方冇病 大家共識左有啲咩喜好同埋唔做得嘅嘢 全程帶套呢啲係基本
而我係同sp sex嘅2年入面 有搵過4個sp同2個ons一次就完 全部都係喺交友app搵
基本上相處入邊除咗講sex或者真係生活上遇到一啲好大嘅困難又想搵人傾偈 先至會同對方聯絡 平時日常係好少會傾偈 亦都唔會行街睇戲食飯先上床 都係直接喺房見 做完就走 最多都係完事一齊喺附近食餐飯就走
而家我就冇再搵啦 有個固定拍拖都幾穩定嘅男朋友 認真拍拖就唔會想搵sp
佢知道我過去係咁樣 一齊之前我已經有坦白同佢講晒所有嘢
呷醋佢都會有嘅 但係我知佢至少會接受 做過就係做過我唔想瞞住對方
記憶中係Dcard比較常見會有人討論嘅嘢都係點解會搵 點樣搵 會唔會同對方交代呢啲 咁跟住講吓我見到嘅人啦
講吓第一個先 嗰陣佢都冇試過sp 所以大家都係有少少傻更更咁樣傾😂
佢係有女朋友嘅 我印象中好似都一齊幾長時間 六七年咁上下 佢都好坦白同我講係性事唔滿足所以先至想試吓搵sp
佢只係單純想要一場普通嘅sex發洩下需要 所以夾好時間地點就直接約 嗰陣冇諗太多道德嘅嘢🙈 淨係同佢講咗話你驚唔驚女朋友會發現 咁個男人自己話冇問題 我角度覺得佢自己處理好自己嘅行為就OK 所以就照約
成件事都係好普通嘅一場sex咁進行 咁樣過咗三個月左右 我哋通常係睇一兩個禮拜一次 跟住佢話開始想計劃同女朋友嘅未來 想收心 咁就斷左冇聯絡
同佢嘅經歷係令我感覺到原來我都係做到性愛分離 我會諗喺床上點樣可以令到佢舒服 但係我唔會對佢嘅私生活有興趣 佢想搵個人聽佢講吓返工有咩煩 聽佢講完我都係完全唔會上心 同埋感覺到咁樣嘅關係其實大家係完全唔需要對對方有咩責任 慢慢受覺得其實做SP都唔錯
之後第二個就keep左半年 佢係一個比較中年嘅叔叔嚟
佢雖然唔係18 22嗰啲年紀 但係身材係操得好fit 成件事個package喺床上邊係真係可以好滿足 佢話就淨係想喺性事上滿足到自己嘅好勝心同征服感 但係認真處理一段關係喺佢呢個年紀來講佢覺得有壓力
呢個可以話係令到我最難忘嘅對手 床上喜好係好夾😂
不過我自己唔會同一個做得太長時間 我覺得相處越耐就越容易對對方上心 所以大家開心咗半年之後就和平地搵下一個
寫寫下發現已經講得好長🤣 咁就講住依兩個先啦
之後遇到嗰幾個佢哋心態上都係有啲唔同 都叫係睇到搵sp嘅出發點同原因都可以好唔同
遲吓有時間再去分享吓😉
