匿名

男朋友講完當我結婚對象之後我秒分手

2021年6月1日 03:09
講返啲背景先 我今年21,男朋友同年,我同佢係返PT識嘅,嗰時Yr1做珍珠奶茶舖,差唔多次次返工佢都喺度,到差唔多辭職嘅時候問佢拎Ig,每日傾偈再出去食飯睇戲,過咗冇耐就喺埋一齊 喺埋一齊第一個禮拜,有一日食完飯之後佢就語重心長咁樣同我講佢屋企家庭環境好差,住赤柱公屋,老豆差落一身債又唔肯出去做嘢,成家靠阿媽做759加KFC嗰份糧。 之後因為屋企由細到大都冇愛加上中學俾人bully所以佢有抑鬱症,雖然已經好返啲唔使食藥但係未康復,跟住佢同我講驚拍拖累咗我,話趁依家感情仲未深厚,我要走嘅話佢唔怪我 我聽完之後完全冇嫌棄佢,因為我係真心鍾意佢,我同佢講我會比到你幸福(好似男女角色調轉咁添😂)之後拍拖果一年幾,佢為面成日都唔俾我請佢食飯,所以我成日都拉佢食平嘢之後AA,就算係記念日知道佢請都唔敢食貴野,佢問我想要啲咩禮物我都唔會要求過$150嘅野,之後佢生日我會Book最好嘅酒店最好嘅餐廳,就係為咗佢過得開心,跟住我生日我就會同佢講就咁出去整個蛋糕食個飯就得,出去整蛋糕要三百幾四百我都會肉赤佢,所以整完蛋糕食生日晚餐我都堅持唔俾佢請,仲有知道佢有情緒病我就不停上網同埋睇書搵點樣同情緒病人相處,每次佢有唔開心我都會即刻陪喺佢隔離聽佢講嘢,亦都唔敢刺激佢,直到琴日我都好慶幸佢一年來都冇試過情緒病復發 去到今日夜晚,佢喺我屋企忽然間爆喊跟住衝出露台話好想自殺,話自己無用,我諗住佢係抑鬱症復發所以即刻攬實佢安慰佢,過咗10分鐘之後佢入房話佢已經決定當我係結婚對象,之後坦白原來無論係家境定係情緒病都係假,全部都係佢嘅考驗,原來佢係住赤柱但係唔係赤柱公屋,係私樓(唔怪得我從來都冇見過佢屋企人同埋去過佢屋企),屋企亦都唔憂食 唔憂著,跟住佢根本就冇俾人bully亦冇情緒病,全部都係佢對另一半嘅考驗,佢覺得過埋熱戀期經過呢啲考驗另一半都唔離開佢嘅話,就值得娶,仲話佢屋企人決定送第二間屋比佢住落佢名,叫我同佢一齊同居 佢坦白如果一刻,我叫佢即刻離開我屋企,呃佢話阿妹係hall有事返緊屋企(阿妹同我同房),之後signal 同佢講分手,我從來都唔介意佢情緒病,亦都唔介意佢窮,但係佢呃足我一年幾我真係頂唔順,我覺得佢雖然冇情緒病但有精神病! 仲有考驗呢一樣嘢究竟係幾冇信任幾冇安全感先做得出,佢而家不停同我講對唔住🤢,我決定打埋呢篇文之後block埋佢電話 Ig sc signal wts Tg 同del相💩🤮
1281
留言 139
文章資訊
Logo
每天有 32 則貼文
共 139 則留言
原 PO
補充番 啱啱想Blk佢嘅時候佢話如果我分手就冇可能搵到一個21歲就有樓揸手嘅男人,之後我同佢講如果我嗰日貪佢啲錢就唔會同佢喺埋一齊,唔會pass佢考驗,加多句你都on99自相矛盾之後佢自己block咗我🙉🌚
香港理工大學
大開眼界! 我嘅表情:😡>😮>🥺>😦>🤯 btw恭喜你撇甩佢
匿名
這則留言已被刪除
已經刪除的內容就像 Dcard 一樣,錯過是無法再相見的!
原 PO
B2 我呢一年幾對住佢嘅心情就係 🥺☺️ 跟住今日聽到佢坦白之後嘅嘅心情就係 🤯😡 依家回想返同呢個男人拍拖嘅回憶 我嘅心情就係 💩🤮🤢🙉🤬🥴
原 PO
B3 最嬲嘅係拍咗一年幾做咁多都仲未信晒我 最後係有樓,想叫我同居所以黎個自殺大考驗 究竟係有幾自卑 幾驚我呃佢錢 呃佢感情先做得出啲咁嘅嘢
多倫多大學
真係好癡線,佢應該覺得自己得家境依個可取之處,所有接近佢嘅人都係謀算緊佢嘅身家(係咪睇太多戲,以為自己有幾百億要繼承🤯)
少顛 好mean但係想講 其實佢係又幾無安全感先會咁樣 已經唔係test唔test嘅問題 而係其實佢打從心底就無信過你 亦對你無信心 先至會覺得人哋同佢拍拖係為錢? 如果我係你真係會hurt爆 希望你以後會搵到對你好好嘅伴侶啦😢
(@_@) 叫佢搵個鍾意做戲嘅互相test 👌🏻
了解一個人可以有好多方法嘅 雖然佢個方法可行 但的確唔係一個好方法
景文科技大學
影帝仲唔係佢?!
香港城市大學
睇清楚一條友都係好事
香港大學專業進修學院
如果要做啲咁癲嘅野嚟試自己另一半對自己有幾真心 佢只會一個又一個咁嚇走對佢真心嘅人 開頭見到又窮又情緒病樓主都handle到仲諗住會唔會係有絕症定係出軌果啲 點知咁峰迴路轉🤯🤯🤯 佢以為自己每秒幾千萬上落咩 係咪用自己對眼嚟睇唔得一定要試嚟試去先
香港理工大學
疑心甘重拍落去都冇好結果🤷‍♀️
香港城市大學
哇我屌佢老味🤯 2021仲玩皇帝微服出巡選妃🤯🤯
香港都會大學
離題,赤柱真係有公屋架? 比個擁抱樓主,自己咁努力排除萬難/接受對方所有咁去愛對方結果對方全部都係假嘅omfg 但樓主唔好灰,以後會遇到個真誠相愛嘅對象嘅!
匿名
此帳號疑似異常
官方正在進行身份確認
新一代富二代奇怪心理🤷🏻‍♂️無咗錢 佢咩都唔係 我諗都係有錢人疑心特別重 以為錢能夠買到人嘅關係同感情🙅🏻‍♂️
香港大學
cls公司 到底樓主呢年幾同緊咩人拍拖 係佢 定唔係佢 我睇唔透 不過我諗緊會有幾多人會繼續同佢愛落去🤔
B15 赤柱係有公屋,搭車經過見過。
香港科技大學
B1 痴線 21就有樓好叻?屋企人買又唔係靠佢努力 我ex夠21有樓 有個frd直頭19有樓添啦😂
匿名
此帳號疑似異常
官方正在進行身份確認
佢好有連登仔feel
香港浸會大學
笑L死 好似睇緊啲弱智台劇咁 條友係未有幾百億要繼承
香港教育大學
哇 佢老豆李家誠咩 Btw 係咪佢以前成日比女人呃錢
新南威爾斯大學
咁L 自負 叫佢收_ 啦😂😂😂 B1
⋯⋯呃公屋仔嗰下就算了,呃有病嗰下唔忍得! 佢層樓值幾億?以為自己好巴閉可以去試探人?
香港大學
佢係咪痴撚咗線😂😂
香港都會大學
B5 自我中心究極體 真係有錢大L曬? 條友睇得膠劇多 壞腦 不過無知一問……赤柱有公屋?🧐🤯
香港職業訓練局
lm
香港理工大學
佢當自己王子選妃咩,考乜撚驗仲要考一年🤯 扮窮都算,扮有情緒病又扮自殺佢真係有病,Munchausen syndrome
香港專業教育學院
我差少少相信香港哩個年紀仲有愛情
香港城市大學
真係要考驗 test幾個月就講都話無咁嬲 呃足年幾就真係.... 呢啲真係呃人真心 最後換黎絕情..🙊
香港中文大學
可能條仔身邊嘅人/啲ex都係貪佢啲錢先同佢一齊,所以先咁冇安全感啫
香港大學專業進修學院
不論男女都好 只要係講大話 就一定唔可以原諒 即使係普通朋友都要互相尊重同信任 更何況係男女朋友? 樓主你做得好,我撐你💪🏻
香港職業訓練局
B1 呢個世界咁大 佢好井底之蛙 有樓冇樓都唔應該咁樣睇人 愛情未必係金錢所衡量 我會考0分 今年28 都有9層樓收下租 其中一層自住 我都冇乜點同身邊既人講我擁有既野
香港浸會大學
B15 赤柱有馬坑邨
香港專上教育學院
考驗...jm9 拍戲咩
香港中文大學
cls😂😂好似全部都係假既咁 會覺得幾恐怖 到底佢有邊part真邊part假 同埋試驗對方好搞笑😂唔講以為佢係石油大亨個仔😂佢似真心覺得自己係金龜lollllll
條仔都幾癲,以為睇緊小說。
香港恒生大學
真係分得啱🙄
香港中文大學
cls咁都得,好可怕,正常冇人敢嫁啦除非佢億萬富豪。佢係咪睇電視劇睇上腦
香港大學
你咁清醒無留戀真係好好 一開頭見你話好中意冇諗過你之後咁果斷! 呢D咁既試驗真係CLS 有層私樓揸手咋喎有幾巴閉啊 想要真心唔該自己先拎個真心出嚟先
B0 分得好啊 擺明呢個人心理上係有D問題 兼且可以欺騙你咁耐都無俾你發現其實係一件好恐怖既事 呢個人係連基本既誠信都無 亦睇得出你應該係個好女仔?🤔
原 PO
啱啱睇完大家留言跟住諗起劉鑾雄比信用卡佢啲情婦用去test佢哋,之後睇吓佢哋會唔會小數又用咁cheap,又會唔會洗得太多 仲記得呢單野係Ex嗰時俾我睇,之後仲話呢啲時候咪睇得出呂麗君同甘比嘅分別囉 我懷疑劉鑾雄有份啟發佢🙉🙉🙉
香港科技大學
佢係咪睇得偶像劇太多睇上腦🙄
香港浸會大學
香港教育大學
咁似海派甜心
香港城市大學
B1 佢自卑定自大😂😂😂😂覺得21歲有樓揸手就可以溝晒所有女佢都幾自戀吓
香港城市大學
樓主好女仔 加油 你會搵到真係愛你嘅人
睇太多大陸戲
B0 我有少少好奇想問一個問題 如果佢同你坦白嘅時候 佢好似電影咁用好誠懇真心嘅語氣同你道歉 坦白曬成件事畀你聽 希望你能夠原諒同埋接受佢 件事會唔會係另一個結局? 定係你都會因為佢呃過你所以say no
可能佢由細到大都缺乏愛先會咁難信人 所以搞呢啲嘢嚟測試吓人哋對佢係咪真心嘅愛 其實都唔怪得佢