女朋友睇語錄睇到陰晴不定
匿名
有冇人既女朋友或者另一半都好鍾意睇語page？我女朋友係超級語錄迷，無論手機wallpaper、signal icon或者任何一個社交平台既icon都係語錄，其實我本身唔反對佢睇，因為我唔否認有啲作家經營ig果陣寫既短句真係幾有文采，最慘係佢睇果啲唔係呢種，而係果啲睇完會令你覺得自己係「人人圍著我，無人明白我」、我係全世界最可憐最差既人果種害人不淺既語錄。。。
舉個例子，某次拍拖去完迪士尼，全日都好開心好滿足，但係我地去餐廳食飯，等緊野食果陣佢響ig見到一個差唔多係「別天真的以為有人能陪你走到最後 能明白你的從來都只有你自己」意思既語錄post，佢個樣即刻down曬頹曬跟住同我講：「今日好玩，但好多野都係假象黎架姐。。。」
我問曬號。。。開心左一日點解唔認自己今日好開心，因為一句人地求其寫出黎呃like既野搞到自己個mood頹曬，又話開心係假既？真係轉得快過表演變臉果啲，然後又要我花好大力氣氹番佢。。。
有冇人可以教我點樣由語錄深坑拉返個女朋友出黎？😪
