講唔到嘢...有罪？
匿名
因為一場病要做手術
我冇咗把聲講唔到嘢
最多只可以發出ee吖吖嘅聲音
要適應講唔到嘢嘅生活
有時係有啲唔方便
但好在遇到好多都係友善嘅人
直至上個禮拜買外賣...
我做手術前成日去買嘢食
所以老闆都記得我
做手術後第一次出現
我已經諗好食咩就打定喺電話
行到門口就見到老闆喺舖頭入面
喺呢個時候我準備用我嘅方法令佢見到我可以行出嚟落單
後面有對後生似廿幾嘅情侶手拖手
我以為佢哋入去堂食就讓一讓
個女嘅好倔咁講咗句「我哋外賣」
我好傻仔咁喺門口揮手彈下彈下
希望老闆見到我😂
喺呢個時候聽到個男嘅細細聲講咗句「條女做乜鳩」
我尷尬...
裡面有食客叫老闆出嚟幫我落單
老闆行出嚟見到我就好驚喜話做咩咁耐冇見呀大聲嗌佢嘛
我指指自己喉嚨擰一擰頭
表示而家嘅我已經講唔到嘢
後面對情侶就jip咗聲
我拿拿臨隊部電話俾老闆睇我食乜
老闆：得得得，今次食清淡啲好冇，叫廚房落少啲調味料
我俾個ok手勢
我諗真係用耐咗少少時間
老闆問後面對情侶要咩呀
個女嘅借啲意用膊頭撞開我
真心痛痛地
我吖咗一聲🥺
女：咦有聲嘅
男：唔係啞架咩
我&老闆：......🌚
跟住尊貴嘅情侶先嗌嘢食
嗌完俾咗錢又專登用膊頭撞一撞開我行埋一二邊企
喺呢個時候坐得最近門口嘅人睇唔過眼
就指住佢兩個鬧
「你兩個恰個啞嘅咩料呀，你老味忍咗你兩個好耐，望撚住你哋專登撞開人又俾說話人聽，趕撚住投胎咩」
跟住第個就跟住一齊鬧
「屌，兩個半斤八兩嘅咪起埋一齊囉，千祈唔好分手害其他人呀」
個男嘅就鬧返轉頭
「講乜撚嘢呀」
個女嘅都出聲
「咁佢啞嘅就自己諗方法唔好阻住人囉」
我喺原地有啲尷尬又有啲嬲
覺得佢兩個好賤但又見到人間有愛
喺呢個時候
老闆拎住錢出嚟
對住對情侶講
「走啦唔做你兩個生意，咁黑心」
頭先幫口嘅食客再加多句
「屌走啦，戴住口罩都認撚住你兩個」
老闆加多句
「我都認住，以後唔做你兩個生意」
黑心情侶敗走
老闆同我講
「拿，我私人醒我電話號碼比你，以後想食咩，提早signal我講聲！」
我眼濕濕咁同佢哋鞠躬
冇咗把聲我一滴眼淚都冇流過
但今次
我忍唔住喊咗陣
舖頭唔開名同位置啦
老闆以前成日同我講已經夠多熟客
佢想低調番小小千祈唔好上網開舖名讚佢😂
後記：返到屋企同岩岩結婚無耐嘅傻瓜🍈講番件事
佢好嬲又內疚話下次買外賣等佢做
我打字：咁唔好，我都要學識自己一個嘅時候生活到
🍈：比我見到嗰兩隻賤精一定屌撚死佢
😂冷靜
