見到好多人想留言建議po主「感建分」，雖然我今次都覺得個男仔真係唔值得有人幫佢講說話，但係如果唔係針對呢篇文章所講既呢件事，唔知點解最近「感建分」好似已經由一個玩笑變成被濫用既講法，甚至有啲人真係會take it serious，一遇到感情問題就會話分手，而唔係去嘗試磨合或者解決問題，開始令「提出分手」慢慢進化到同「一哭二鬧三上吊」差唔多... 而且我覺得呢個講法，好似完全冇嘗試去理解當事人既感受，有少少唔尊重既感覺...
如果大家既朋友遇到感情問題，你唔會100%明白佢既處境或者想法，無論係出於講笑定係認真，唔知大家會唔會嘗試同果位朋友仔細咁傾下，嘗試認真幫佢解決下問題先，而唔係一開始就採用「感建分」呢個講法？
