男友唔比我萬聖節去蘭桂坊

匿名

年年都會同幾個女仔friend萬聖節落蘭桂坊玩，諗住可以著costume化浮誇妝過下癮、感受下節日氣氛，所以今年10.31都唔例外，但係男朋友話唔比我去... 尋晚佢上黎我屋企食飯，咁岩我買既costume到左我好開心咁就諗住比佢睇下、問佢靚唔靚，套costume大概係咁（但係冇斗篷）：

當我等緊佢俾反應既時候，佢第一句開口就係話：「咪去啦你」跟住我問佢點解佢就話蘭桂坊好多鹹豬手好危險，我已經同佢解釋左前幾年去都唔會真係留足一個通宵，亦都冇佢擔心既果啲情況出現，同行都有幾個女仔frd互相睇住大家等等等等一大輪，跟住佢講左一句：「你著到咁，又背心裙又黑色絲襪係想勾引邊個？」 ...其實自問呢套我自己覺得已經唔係啲咩暴露既衫，自己都知有男朋友所以唔揀比較性感既costume，但係佢都咁樣講... 跟住唔比我去，仲話我瞞住佢去就知死... 喂啊咁唔通我真係包到好似個南瓜咁咩... 我自己接受唔到自己囉... 依家我夾左響男朋友同朋友之間，男朋友講到咁嚴重，但我又真係好想去感受下節日氣氛同班friend一年一次chill下，同埋擔心唔去會比佢地話掃興... 有冇人可以俾下意見我應該點樣再說服男朋友🥺💔