女朋友嫌我冇車…..
匿名
小弟好鍾意電單車所以人生儲咗第一筆錢就用嚟買電單車.
起初女朋友都好開心因為可以遊吓車河周圍去.
但係過咗幾個月女朋友就開始唔係咁諗.
始終電單車日曬雨淋,夏天又冇冷氣又曬,冬天又凍.我自己都知.
所以我出門口都會盡量睇天氣報告
如果知道嗰日會落雨我就會同佢搭MTR或者 Uber代替.
如果天氣凍就帶多件衫等佢坐電單車嘅時候着
直到最近有一次,我睇天氣報告明明話唔會落雨.
點知我華佢揸電單車揸到一半，突然間落大雨…..
我有買雨褸放喺車廂裏面嘅，
咁我就嗱嗱臨打死火燈喺橋底攞出嚟俾佢着.
佢就已經開始黑面啦⋯⋯
咁着完雨褸就繼續淋雨啦，
因為揸到半路都冇計冇理由棄車㗎嘛
跟住嗰日佢走唔係點出聲啦
總之就係有啲發我脾氣啦
咁講真我覺得自己其實真係冇做錯任何野…
但係我都盡量有風度咁去氹佢
但係佢都唔係好理我，最後要到第二日先正常返
佢就同我講話唔係發我脾氣係
因為覺得突然間落雨好乞人憎⋯
咁我諗住即係冇嘢啦⋯
但係之後佢就開始唔係好想坐電單車啦⋯
開始喺度暗示我覺得私家車好啲⋯
講真我都想買車咁但係養車停車都係一筆費用啦⋯
我覺得佢有少少自私淨係諗自己⋯
唉…真係好辛苦⋯⋯
