我寧願你唔送俾我...

匿名

前幾日係拍拖一週年，我兩個月前已經開始諗送咩比男朋友做週年紀念禮物，一開始其實冇諗過亦都冇講過要互送，咁我諗住佢final year忙肯陪我已經好好，一齊去食餐飯我已經開心～食飯食到一半我比禮物佢，跟住佢話：我都準備左禮物俾你啊！本身冇expect啲咩嘅我見佢咁講即刻有少少期待，結果下一秒佢拎左張對半摺嘅A4紙出黎叫我打開，裡面用鉛筆寫住幾粒字「bb週年快樂！<3」完啦，係啊... 呢張紙就係我嘅週年紀念禮物... 其實我唔介意你冇準備架... 但係如果你送，可唔可以... 用少少心準備... 我唔知我咁樣會唔會有人話我好harsh好港女但係我真心寧願你唔送... 因為份禮物令我覺得你為送而送hea緊我...