比起渣男 盲目聽老母話嘅男仔仲得人驚
匿名
兩日前同男朋友分左手
原因係 佢真係冇主見到任何野都問佢老母
由佢老母幫佢決定
一開始一齊果陣還好
但係後來溝通得越耐就發現
佢有一句口頭禪就係「阿媽話.........」
約佢食飯揀餐廳 佢話「阿媽話呢間麻麻地 我地換第二間啦」
疫情前最後一次去旅行 我想去歐洲
佢話「阿媽話亞洲以外地方咁貴唔值得 我地都係去台灣或者泰國啦」
仲有其他多到數唔曬 日常生活中嘅「阿媽話...」
但係費事咁冗長就唔打曬出黎喇
反正我相信大家一定想像到
之前為左我堅持去exchange而嘈左一餐
嘈到一半佢突然爆左一句話
「即係我覺得你去唔係問題 但係阿媽話外國依家疫情仲係好危險
怕你到時exchange完唔知帶左啲咩病毒返黎傳染佢地老人家
所以你都係唔好去啦 唔想佢地唔開心...」
徹底死心... 關於我人生嘅事我唔開心唔緊要
但係你阿媽唔開心就唔得 就要我犧牲？？？
真係冇得救架喇
以前拍拖都唔係冇遇過渣男
可以下晝比我朋友抓到拖住另一個女仔響超市買餸煮飯仔
打電話比佢果下仲同我講佢響公司OT緊
但係比起渣男 我真係接受唔到人生任人擺佈毫無主見嘅人
潛移默化就會影響埋你自己嘅決定
係唔捨得架 不過好行唔送🥲
