同A0 拍拖好辛苦
匿名
前情提要
歡迎大家鬧醒我
我男朋友大我7年 零拍拖經驗
同樓主一樣 佢好習慣一個人生活
成日唔覆message 亦無講甜言蜜語
我feel到佢愛我 但佢用左好一段時間先講得出口
我自己一個人住 但佢同屋企人住
講電話成日就住就住 講sweet少少嘅嘢會尷尬
我自己已經到左適婚年紀 開始會考慮將來
男朋友成日都話我比壓力佢 因為拍拖唔係拍左好耐
唔想同居住 覺得佢唔想改變佢宜家嘅生活
佢亦唔想有小朋友 因為佢覺得佢自己賺錢唔多
但我年紀唔細 開始會認真考慮想要小朋友
至少sex方面 我地係夾嘅
——————————————————
其實好多關於將來嘅問題
一齊之前已經考慮過
大家決定一齊努力磨合決定
我亦同佢講我雖然想要小朋友 但我覺得兩個人嘅相處更重要
我寧願同一個對我好嘅人一齊無小朋友 好過同個賤男一齊有小朋友
我男朋友人好好 係唔太識tum女仔
亦唔明白點解要tum
當初同佢一齊係覺得同佢一齊我可以做自己
我亦見到佢好努力去改變配合我
但有時佢比我嘅感覺係 咁獨立做咩要拍拖
我好想有時佢可以tum下我而唔係怪我無理取鬧
可能我底子裡都係一個港女 想發下脾氣等男仔tum 返
將來嘅嘢可能係我比太大壓力佢 畢竟佢從來無諗過會拍拖
利申：O3
