男朋友同佢呀媽嘈 又拖埋我落水匿名我條仔老母係個好傳統嘅老人家 自已覺得係啱就係啱 好中意將自己嗰套套喺人身上 最近男朋友想轉行 佢呀媽就係咁同佢嘈轉邊行 次次一上佢屋企食飯就一定會嘈 真係好撚煩 我上嚟食個飯姐。。 次次佢地嘈我都淨係會靜靜地/講一兩句就算 佢呀媽就會：「你講下嘢 你咁冇主見嘅 又唔出聲」 我成日都唔想講太多驚得罪佢呀媽 所以講一兩句就算 但佢呀媽就係咁拖埋我落水 仲要次次上佢到都嘈 搞到我都唔敢上去 想問下大家 如果係你會點做？
