應唔應該分手
匿名
同男朋友一齊咗幾年 由year1到year3 去到依家已經冇咩性生活 即係我引佢 都唔會做 更最重要嘅係 我地係大家生活順利就會感情好 但只係任何一方 生活有煩惱就會感情有問題 所以導致我一直都有分手嘅念頭
如果佢有煩惱 個人就會燥底 唔想人同佢講野
我有煩惱嘅話 會想同人分享下 傾下開心野
呢個位就形成左衝突 如果我同佢分享 佢會燥 然後造成惡性循環 後來我同朋友傾 不過久而久之 我就開始覺得男朋友冇存在嘅意義
大家傾計都愈來愈唔知有咩傾 感覺我傾啲佢唔想聽嘅就好似踏地雷 而佢都因為拍拖久無咩想分享 日日都係講下三餐 跟時間報行程就冇啦 完左sem成個禮拜冇見都冇咩野 呢種感覺好奇怪 係咪慢慢適應緊呢段關係嘅完結
