女朋友話返工唔開心想我養佢，日日食玩訓

匿名

同女朋友拍拖五年，大學識。佢啱啱fg唔夠一年，已經冇做野大半年，一開頭返工無幾耐就話d同事唔鍾意佢針對佢，話佢姣又唔做野。咁其實我到估到咩事，識佢一開始已經係公主港女癌末期果種人，未畢業之前已經成日話我份糧已經夠養佢啦。本身以為佢講笑，點知畢業無幾耐之後真係唔做野日日就係同班ig kol姊妹出去打卡食野周圍玩，仲成日同我講邊個邊個朋友個男朋友月月比幾多錢女朋友使，講真錢未算係大問題（但都唔細，我自己都要儲錢）。個問題係佢好似真係老奉咁攤大手板問我拎錢。好認真同佢傾過呢個問題甚至嘈到想分手，佢就要生要死話最青春幾年比哂我同我一齊捱m記而家就打完齋唔要和尚。老實講可以點解決呢個問題？叫佢出去返工基本上係唔可能，佢已經習慣哂呢種食玩訓生活，提呢件事即係嘈交，同佢分手又情緒勒索我又話要係我屋企跳樓又剩，我真係唔知可以點做。