咁樣算唔算係性騷擾?

第一次見有少少曖昧嘅男仔嘅時候 我哋就普通行街食飯 佢試過無啦啦問都未問過就突然攬住我條腰 或者擺佢隻手喺我背脊度 之後勁快咁左右掃/摸。 到夜晚嗰陣佢帶咗我去一個我唔熟悉嘅地方 突然問我可唔可以錫 因為我覺得都未一齊 加上第一次見就錫 實在太快 所以當佢係咁嘗試去說服我嘅時候 我就拒絕咗佢4-5次左右 然之後佢就郁手掂我 試圖除我口罩 基於本能反應我就即刻撳住口罩 之後縮埋一舊咁坐 過咗幾日之後我同佢講做返朋友 同埋亦都有同佢解釋點解我要咁做 本身我打算呢啲嘢我哋自己兩個知就算 點知原來條友同曬我哋班朋友講 而佢哋嘅反應係: 「都係除你個口罩啫 駛唔駛咁大反應」 「話佢性騷擾你未免太嚴重啦掛」 「點解你唔直接跑走」 因為咁 我已經同佢+班朋友斷絕朋友關係 雖然自己覺得今次算係性騷擾 但係有時都會俾佢哋嘅話語影響咗: 係咪自己諗多咗?自己小題大做咗? 唔應該為咗啲咁小嘅事就同佢講做返朋友? 其實佢咁樣算唔算係性騷擾? 非禮?或者純粹騷擾? 另外都想問 當未一齊過 之前純粹曖昧 如果做返朋友 會唔會用到「分手」「拍拖」「ex」等字眼? (因為當我同佢講返做朋友嗰陣 佢有話過我「一上水就提出分手」 或者「希望分開咗之後我都算係你個ex」) 感謝各位。
留言
B24-1 有冇諗過我聽完後就唔再講係咩原因?係因為唔關我事,呢啲你地兩個人嘅嘢,我何必要走去問你?知完咪算囉,可以做得啲咩,我更冇義務責任幫你地做中間人,甚至乎要斷仼何一邊。我作為旁觀者,男方冇要求我介入,你更冇主動要求我幫手,我唔會咁多事插手囉。除非是但一方出聲話幫手 大把情侶是但一方單方搵我傾,我下下介入我咪好唔得閒?小姐世界唔係咁運作架 重有你話我每五分鐘睇你story 好得閒咁,有冇諗過,我五點起身已出去做嘢,做到8點幾,返到屋企重要陪女煮飯,邊有咁多心機理你呀?唔覆就就話人懦夫,你好得去呀,根本我唔想理你地兩個嘅事,我唔似你大部分時間係屋企,連買早餐都唔落街叫外賣叫屋企人幫手呀。世界唔係咁架,點解好多人撐男個邊,係你一嚟語氣屌鳩人,唔係唔撐係無啦啦咁嘅語氣係人都嬲啦,建議你出多啲街呢個世界接觸下啦。 成個世界唔係咁運作更唔係圍住你轉架