遇到呃錢渣男 以後學識帶眼識人🥲
匿名
早幾個月識左我ex 一齊咗幾日之後已經問我借錢
佢話之前做保險撈唔掂 提早完約要賠10幾萬俾公司 每個月要還around 1萬 今個月爭少少先夠還
我之後問人先知唔係撈唔掂 係發生咗啲事🥵
當時同佢係男女朋友 佢話下個禮拜會還 我信佢就借咗2000比佢
到咗下個禮拜 佢冇還錢仲再問我借 原因係收數公司要佢還錢
我話我冇錢借俾佢 就俾佢氹掂借咗支鏡頭俾佢賣
當時已經係月尾 佢好肯定咁應承我月頭出糧即刻買返 加上佢講到啲大耳窿會搵人打佢我先會肯
支鏡頭原價$21980 佢急放賤賣$7500
到佢出糧嗰陣當然冇買返🥲
七月中佢話收數公司要佢一次過還清$48000 叫我問屋企人攞錢借俾佢 一係幫佢去借錢
佢之前已經叫我用我名借錢 話會幫我還 但我堅持唔肯
佢喺街當眾鬧我話 如果愛佢點解連咁小嘅事都唔肯幫佢
我已經覺得好奇怪 開頭明明話係保險公司 點解無啦啦變咗大耳窿
佢就一直9up啲原因撚化我 當時佢係我男朋友我都冇深究 依家諗返起都覺得好蠢😭
我一直都有叫佢同佢屋企人講 話屋企人點都會幫你 佢話佢同佢屋企人關係好差 同左佢哋講都係唔肯借
到七月尾有一晚 佢喊住同我講話佢同咗老豆講 佢老豆肯瞞住佢老母借10萬比佢 但係大耳窿嗰邊要依家即刻過萬幾先 唔係就捉佢去打
仲要問多我借6000 應承我話第二日等佢嗰10萬就會一次過還返晒所有錢
我再一次相信佢同埋好擔心佢會俾人打 咁就過咗錢俾佢
第二日 佢話中國過錢去香港要一個工作天
佢老豆喺中國做嘢 借錢嗰日係星期五 要星期一先有
星期一話唔知點解啲錢仲未有
星期二就話啲錢過咗落佢老母戶口 但佢老母趕唔切喺銀行閂之前去攞啲錢
佢本身明明話佢老母唔知 啲錢點解會過落佢老母到😵💫
佢一直拖 又話銀行戶口俾人凍結咗 又半消失 電話唔通WhatsApp唔覆
前幾日我忍唔住去佢屋企拍門 條仆街唔係屋企 佢老母開咗門
去到嗰陣我先知佢老母乜都唔知 嗰10萬係假 從來冇話借俾佢
條仆街呃佢老豆老母話要10萬嚟做生意 佢哋冇借到 但條仆街就呃我話同老豆老母坦白咗爭人好多錢
我知佢仲有周圍問人借錢 佢啲兄弟都有借俾佢 連佢ex都有借比佢 但係條仆街都係冇還過
佢當初同我一齊嗰陣有同我講佢欠債 話每個月有好Stable咁樣還錢 冇講到情況係咁差
仲成日周圍食好嘢 表面睇完全唔會覺得佢係欠債🥵
我而家覺得完全係俾佢呃錢呃感情🥲😭
分手後我追返啲錢同鏡頭 佢cap返拍拖洗費啲單出嚟 一蚊一蚊扣淨先還比我
態度仲勁差 明明係佢爭我錢仲係咁命令我鬧返我轉頭🤬
