女友成日幻想偶像劇情節發生係佢身上
匿名
佢中曬毒
每追一套韓劇換一個老公都算9算
我冇謂呷哩啲醋
但係唔好揾着我嚟搞啊嘛
癡線咖🤯
冇做就係唔愛佢咖啦
就係冇擺佢上心咖啦
就係唔可以俾埋條命佢咖啦
要我好似韓劇咁 食牛扒要切好一舊舊比佢
但係正確嘅餐桌禮儀係食一啖先切一啖
然後甩鞋帶一定要係條街人來人往跪低幫佢綁
仲有冬天嘅時候要去海邊睇海 凍l到鼻都甩🤧
但係佢自己著到薄ee咁 要我除件褸俾佢著🥶
最癲嘅喺 係我同佢換鞋
因為佢對高踭鞋刮腳 佢又著到攰
就要我俾對波鞋佢著
然後我著佢對高踭鞋
係旺角啊 大佬們 我真係唔敢抬起頭
對佢嚟講係情趣 對我嚟講係折磨
嗱 唔駛留感建分啦
只要冇原則性錯誤 我都唔會分手
佢開心就得啦🥲
