救命！我男朋友係公屋港孩！！

匿名

講下背景資料先，我男朋友已經出黎做野，同屋企人一齊住，佢屋企唔係咩公屋富戶，係普通基層，不過我男朋友同佢家姐讀到書，攢到錢依家生活好左但係！我男朋友生活上自理能力真係嚇親我，成三十歲人，簡單到切蘋果，切橙佢都唔識，更加唔好講揾路，佢連睇街名都唔係好識（我以前以為有錢仔唔洗自己做先會唔識，邊有諗過公屋基層嘅仔女係切個蘋果都唔識😑 平時叫佢做野，我就躁底，因為佢第一句係「我唔識呀，你整喇」「好麻煩，你幫我整」，原因係佢呀媽真係好照顧佢，平時咩都幫佢做好曬，呢排天氣涷，佢自己都唔識揾張被，攞件長袖衫著其實我男朋友好醒，佢知道只要佢坐係度，佢呀媽就會幫佢做好曬，而佢老母都好L樂意幫佢做（去旅行個gip 都幫佢執埋），一個願打，一個願挨，應該成世都走唔出「港孩」呢個loop 而更加難頂就係佢老母覺得我都要幫佢個仔做，有時我想我男朋友試下做d 簡單家務，佢老母就黑面琵鷺咁款佢返工做嘢無問題呀，但平時有咩大小事一定係問家姐呀媽意見，聽曬佢哋講，講好聽就隨和，重視屋企人，難聽就無係姐寶媽寶一個（俾個例子大家，之前佢同佢ex一齊，佢家姐唔讚成，然後佢就同佢ex分手喇）我聽到呆L左🤯，心諗一齊大半年你家姐叫你分手就分手，會唔會唔知邊日你家姐都叫你同我分手㗎救命呀！好on 9呀！！又媽寶又姐寶仲要係港孩，其實呢個男人係咪無得救喇😭😭 屌，好L想分手，唔想做佢第二個老母呀！！

更新回覆B1 其實佢去到而家已經係有改善咗，一開始我同佢傾嘅時候佢接受唔到佢自理能力唔好呢個事實，一段時間之後，佢都話自己要改善下，話以後搬出去佢就會做多d, 咁我都有話「不如一齊做下家務」佢話好呀，但每次要做嘅時候，佢都有試做嘅，但佢呀媽成日幫佢做返，好似仲要唔高興佢呢種行為咁佢呀媽一幫佢做，佢就即刻走去打機，咩都唔理我真係覺得好無奈，30歲喇，係咪真係搬左出去會好d , 可以改變到呢個pattern, 態度？有人會覺得特別提公屋係labelling, 歧視其實我呢句只係對我男朋友嘅情况，唔係指所有人可能要再講詳細d 下佢嘅心態，佢成日都話「基層無出頭㗎喇」，日日都聽到佢咁講，又見到佢又咁依賴屋企，其實真係幾煩其實我屋企都唔係有錢，但我呀爸呀媽唔會咁緃我