同阿媽性價值觀唔同
匿名
阿媽知道咗我同我男朋友瞓之後嬲我
我同佢講咩事都冇發生，而事實上只係攬住一齊瞓
我本身同佢講我同一大堆人去宿舍屈蛇，夜晚唔返嚟瞓，同一大堆人一齊我同男朋友唔會做到啲乜
當佢質問我嗰晚點瞓覺，我最後支支吾吾話我同男朋友一齊瞓，但咩事都冇發生
我自己未咁快想stage5住，而男朋友都尊重我
但阿媽一知道咗我同男朋友瞓埋同一張床嘅時候，佢第一句就話我cheap
我哋只係攬住一齊瞓，真係乜都冇做
但阿媽覺得我送上門，女仔人家，蝕抵晒俾人，話自己(我歲數)都未拍拖
我心諗你嗰整未拍拖唔代表我而家唔可以拍拖，點解要我完全同你一樣
阿媽思想(我都唔知係咪叫)傳統，拍拖出街奉旨男方俾錢，搵男朋友要搵有錢嘅，如果拍拖嘅錢都俾唔起係唔得
我自己認為大家只係學生，AA好啲，未開始賺錢
而間唔時我哋都會互相請吓對方食好嘢
我明阿媽都係錫我
但我覺得性愛係兩人嘅事，況且我哋已經成年
你可以有你自己諗法，我自己都有底線，會自己守住
我同男朋友過夜係我哋自己agree嘅，冇人迫過我
我都好想同男朋友對住一段長少少嘅時間，唔同大學，唔同時間表，讀嘅科都忙
今朝你質問完我之後我就要返學，今晚返去又要面對你，同埋呢個問題
我唔想鬧交，但我知一定會
我想令你相信我哋真係冇扑嘢，我心裏面都唔想住
我可以點同你講
利申無宗教信仰
