後生妹豬flirt我老公(文長)
匿名
拍拖兩年結咗婚兩年從來都唔知我老公咁受後生妹豬歡迎😂佢個樣唔係差嘅，身高1.8米中等身材，對手臂睇落有啲肌肉咁啦😗
近排佢公司嚟咗個新人，23歲青春無敵又識打扮，老公話公司啲單身男同事都有少少雙眼發光
但唔知點解呢個妹豬就對我老公好有興趣咁成日搵機會癡埋去😂
可能因為佢份人老老實實暖男feel教過佢做嘢？😂
佢唔戴結婚戒指返工因為佢好驚做嘢急得制跌咗(我接受)咁都冇理由大肆宣揚自己有結婚啦😂
妹豬 😘 老公😥 我😈 兄弟🥴
一班人出去食lunch有男有女，妹豬一馬當先搶咗😥隔離個位坐低
😘 你食咩丫
😥 我食A餐
😘 我又食A餐～要同你食一樣嘅
啲嘢食嚟到
😘 咦...我杯檸茶咁甜嘅，你嗰杯呢？
😥 正正常常啦
😘 我要試一啖！(話口未完就一嘢啜咗落😥杯檸茶支飲管) 你呢杯正常好多BO!
😥 喔咁呢杯俾你啦(抽走自己支飲管推俾佢，自己再另外叫)
😂😂😂我聽返呢件事係有少少躁，心諗個妹豬進取到當住其他同事面都做得出呢樣嘢
果然青春無敵，人不要臉都天下無敵😂
但老公主動申報又處理得好，我好快就下咗道火不過都要狠狠懲罰佢😈
之後😘直情進取到放工後會text我老公，問佢放假有咩做
😥 陪屋企人 (咁我係佢屋企人🤣)
😘 你好顧家啊～❤️
然後個傻佬已讀不回😂
😥不如我同佢講我結咗婚有老婆啦
😈一陣佢惱羞成怒話你自戀以為佢想溝你呀
😥...你係咪想睇戲咋
😈咁我真係信你喎，你條友仔青春妹豬送埋嚟你都見鬼咁款，咁你啲同事點丫
😥咪扮睇唔到囉，不過有啲friend啲嘅會快過佢坐我隔離囉
妹豬之後行動升級，一見我老公執嘢收工就拿拿聲執嘢問順唔順路一齊行去搭車
佢未等妹豬講完去邊就一口話唔順路呀🤣🤣🤣
😥其實我都好拒佢於千里，點解仲係咁
😈可能佢覺得你只係怕醜?覺得好有挑戰性?你小心佢落藥強姦你
😥下咁好咩，點解老婆你好似一啲都唔緊張咁
😈邊個話，我而家就強姦你 (推倒😈😈😈)
特登留咗個咖哩雞💋喺佢條頸，第日食飯佢班兄弟就借題發揮
🥴 嘩...愛的印記，琴晚阿嫂強姦你呀？
😥頂你係咪要公開處刑呀
😘(黑黑地面)哇乜你女朋友佔有慾咁強嘅咩，留喺呢啲位專登要你尷尬喎
只要我老公唔尷尬，尷尬嗰個就係你呀妹豬🥳
點知佢都係不屈不撓咁撩我老公🥲直到佢某日講咗啲嘢，令我終於忍唔住要喺第日俾個happy friday佢🥵
😘 (text我老公) 雖然我未見過你女朋友，但你平時喺公司咁低調又唔講起佢，我諗你哋感情麻麻？聽啲同事講佢大你兩年，年紀大啲嘅女人係咪難啲相處當你小朋友？
😥(望住我)喂diu點部署
😈得啦我聽日off我去接你收工呀BB豬🤗
妹豬果然死跟住我老公落嚟😂👍
就喺公司樓下battle 😍👍🏻
😘 Hello你就係XX個女朋友呀
😈你好呀YY
😘你又知我咩名嘅姐姐（😑）
😈梗係啦你成日whatsapp我老公，我鍾意用佢電話煲劇咪見到囉~
😘老...公？
😈係呀結咗婚兩年啦，佢怕醜唔話你知啩，定佢覺得同你唔熟唔洗講呀☺️
😘...我趕住同朋友食飯喇bye
之後我同😥一齊搭車返屋企
我一路笑個唔停😂😂😂😂
而佢嗰晚都冇再搵😥
之後個星期一又一班同事食飯，妹豬扮哂自然傾閒計咁同😥講嘢
😘你結婚做咩收收埋埋呀，唔係你個姐姐嚟接你放工我都唔知你有老婆
😥唔洗大肆宣揚嘅
😘唔見你戴戒指嘅？
🥴佢話驚返工做嘢急得制整跌呀，佢不知幾錫個老婆，少少頭暈身㷫佢都好唔捨得，同我哋出嚟飲杯嘢都要同老婆講聲，幾時走又講，佢自願架話唔想老婆擔心，你恨唔到咁多架喇
😘咁唔會好大壓力，姐姐咁專制嘅咩，嗰日聽佢講嘢似佢佔上風bo
可能😥忍得太耐佢終於忍唔住爆
😥其實我好愛我老婆，我覺得佢係全世界最靚最好嘅女人，報備係我由同佢拍拖第一日開始就自願做嘅嘢，我心甘情願，就算佢大過我我都唔介意，佢係姐姐咁又點，你唔洗再喺度破壞我哋夫妻感情，你咁後生大把日子要過，大把後生仔俾你揀
之後其他女同事偷笑，妹豬勁冇面話有啲唔舒服返office 抖下先，之後再冇私下搵我老公。自從當眾落佢面之後，啲人開始傳妹豬勾引人夫，以為自己青春無敵，佢日日返工都被人望下笑下，尤其是啲女同事更加睇唔起佢😍
終於...妹豬喺琴日遞信話辭職
做埋呢個禮拜就走🫡
係咪衰呢妹豬🥰人哋都同你講個男人有另一半你仲覺得自己有機，已讀不回就好明顯冇機啦，而家搞到份工都冇埋，3萬蚊一個月返5日嘅工咁就冇咗，我真係戥你唔抵呀😈😈😈😈😈
屌😂😂😂😂3萬蚊一個月返5日係講緊每個禮拜5天工作呀，點會淨係返5日呀😂😂😂😂
