我係一個幾注重儀式感嘅女仔，節日/週年紀念嗰啲好鍾意整啲手作仔或者買啲靚禮物俾男朋友，又或者平日會突然送啲佢鍾意嘅卡通嘅周邊俾佢。我男朋友就完全唔會嘅(唔關經濟條件事)。可能每個人express love language嘅方法唔同啦 咁話說我哋就嚟一週年紀念，我就好俾心機整本scrapbook，每日一得閒就會整下，有時會send俾佢睇整到邊咁 點知佢有一日突然話我俾佢好大壓力(因為我哋各自都整緊scrapbook)，仲要話當初係我迫佢佢先焗住一齊整scrapbook🥲佢話其實佢從來都唔在乎收咩禮物，愛唔需要用禮物表達…我聽到嗰下真係好傷心好委屈 佢平日節日都係求其買隻公仔或者買束$70幾蚊嘅花咁，我都好開心。但始終一週年紀念，我想收到啲有心意啲嘅禮物，可以大家一齊回顧啲回憶姐，咁都有錯咩？點解都要俾人話…… 定係我太自私？我love language係送禮物，我從中獲得好大滿足，就忽略咗原來佢每次收到禮物嘅時候都覺得好大壓力？真係好唔開心，依家本scrapbook整到一半完全冇心機整落去了