撞返3年前自殺死咗嘅男友

Anonymous
大約3年幾前我分咗手冇耐,諗住忘記上一段感情嘅最快方法就係進入下一段感情。 所以人生第一次download咗交友Apps,身邊有朋友都成功出pool, 我好快就match咗當時嘅男朋友,初初傾計佢好主動,而且好識flirt人,我當時沉晒船。 我哋好快就約咗出嚟見面,佢俾我嘅感覺都係想認真,唔會郁手郁腳,又好尊重我嘅諗法。 而且佢都幾靚仔,所以我哋用咗三個星期就一齊咗.. 但係我哋拍咗三個月都唔到,熱戀期都未過,我就「喪偶」 我哋一齊得太倉促,講真事後諗返我真係對佢一無所知.. 拍拖個三個月,佢只係帶我去過佢一次朋友聚會 我唔知佢屋企喺邊、公司喺邊,連佢話俾我知嘅身份係真係假都唔知 當時我已經搵咗佢兩日,癲咗咁whatsapp佢同打電話俾佢, 第一日仲打得通,第二日唔知係冇電定係點就打唔通 雖然我有佢IG,但係佢冇Post開嘢,我都有狂msg佢,但都係冇回音 直到第三日我先收到自稱係佢朋友嘅人Send 短信俾我,但換咗手機冇咗個短信內容, 內容大概係佢喺幾日前因為爭大耳窿錢自殺,然後第二日先俾佢屋企人發現,送去醫院後搶救不治 叫我唔好搵佢,驚俾啲收數佬發現,佢屋企人都會返大陸唔留喺香港 我傷心咗都幾耐下,畢竟係最愛嘅狀態下段關係無疾而終 點知係我就嚟唔記得佢嘅時候撞返佢, 我琴日坐係Cafe等朋友,望住條街發吽豆嘅時候,見到一個同佢95%似樣嘅人經過, 我個刻呆咗一呆,下一秒已經即刻衝咗出去,但係已經冇咗佢嘅身影.. 我都幾肯定係佢嚟..
Like
Haha
Wow
551
54