而家好興大叔，估唔到自己都會成為一份子同左個大叔一齊。想睇下有冇差唔多情況嘅姊妹可以討論下同大叔拍拖嘅感受。利申，我20佢35，大我15年，工作場合識。 拍左差唔多一年，感受就係，真係冇人係完美，同大叔拍拖壓力真係比較大啲。啲大叔好貪心，一方面又鍾意你小妹妹有年輕活力聽聽話話天真單純嘅感覺，另一方面又要你好似成熟女人咁知性體貼明白事理，真係好矛盾。不過同大叔拍拖感受就係比較孤獨，佢唔會好似後生仔咁成日同你痴埋一齊，大部分時間都係忙做嘢，佢希望你可以自己照顧到自己。同大叔一齊之後成個人成熟左好多，不過都壓力好大，唔可以痴身任性，大叔唔鍾意你太煩，鐘意你聽話獨立。大叔俾唔到太多時間陪你，但係現實層面比你幫助好大，又教你人生道理，教你日常生活人際問題，又幫你解決到經濟問題，照顧到你。不過大叔對女友要求高，壓力大係真，要同大叔拍拖都真係唔係咁容易。li 有冇同路人姊妹分享下同大叔拍拖嘅感受呀～