男朋友呀媽冇啦啦打嚟鬧我匿名咁大個女都未遇過啲咁嘅事 今年係第一年同男朋友一齊過聖誕 今日平安夜緊係約咗食好嘢 餐廳仲要係提早成個月book嘅 今朝滿心歡喜襯緊衫嘅時候 冇啦啦收到男朋友呀媽嘅電話 一嚟就開口鬧我問我做咩聖誕節要約佢個仔出街 我一頭問號咁答佢 因為要慶祝聖誕節 佢呀媽發曬癲咁話 聖誕節慶祝嘅方法係翻教會 唔會拍拖 呢啲慶祝方法係撒旦邪靈嘅人先會咁做我一直都知男朋友媽媽係信教 但我男朋友小學畢業之後就冇再翻教會 我冇諗過同佢第一個聖誕節會發生啲咁嘅事
