男朋友住喺我屋企唔走
匿名
因為屋企人返咗大陸拜年，所以我就問佢要唔要嚟我屋企
我問佢嘅時候係諗住佢上嚟陪我Hea一日玩下煮飯仔咁
點知佢好似get錯我嘅意思，以為我邀請佢嚟我屋企瞓
咁第一第二日係幾sweet嘅，有同居嘅感覺
我就冇叫佢返屋企，由得佢喺度瞓，橫掂我屋企人冇咁快返嚟香港
點知我慢慢發現佢好麻甩，
朝早返學前佢又唔肯起身送我去，放學返嚟買埋外賣返屋企俾佢食，
見到佢將屋企整到勁亂，所有零食都俾佢拆咗嚟食
仲要唔肯幫我做家務，玩完煮飯仔所有碗都係我洗，
佢着嗰啲衫又係放喺度等我洗，洗完佢又冇意識幫手晾衫，等我放學返嚟自己晾
開始有少少厭倦，但係我暗示佢係咪要返自己屋企個時佢又好似get唔到
諗緊係咪要講清講楚，又驚自己講咗出嚟會hurt到佢
同埋見到佢咁嘅生活習慣，我諗我哋以後如果結咗婚我會好辛苦
我開始覺得係咪應該盡早分手，唔好拖落去
