因為一件事我掉爛咗佢電話
匿名
因為佢嚟過我屋企所以佢知我電腦密碼，然後佢叫我幫佢買杯嘢飲，宜家諗返起覺得佢係藉啲以洗走我。
跟住返到去佢都若無其事咁樣，所以當刻我都唔知道佢做咗啲乜。直至到佢返咗去我開電腦諗住打下機，發現個game消失咗，嗰陣時又冇諗咁多覺得可能係電腦問題，但係我down返之後就出事喇。
遊戲入面全部紀錄冇曬，嗰陣時起我冇諗過係我女朋友做出嚟，我就喺啲討論區度問人睇下有冇人帳號出事。咁當然個結果係冇啦。
嗰晚我成晚sad到瞓唔著，因為玩咗好耐而且都洗咗唔少錢喺入面。
到第日佢見我咁sad就問我做咩，我就同佢講番。點知佢認係佢搞嘅，我當刻個腦空咗，取而代之嘅係成肚火。我好嬲咁問佢點解要咁做，佢答我因為想試下我鍾意佢定鍾意遊戲多啲，我聽到之後就嬲到一野攞佢部手機掉落地下。係粉身碎骨嗰種。
然後而家同佢班朋友唱我係暴力狂......完全唔知點搞好。已經係搞到我身邊所有人都知。一堆人走嚟問我發生咩事
勿相認
