男朋友屋企人要求我驗DNA先可以結婚
匿名
同男朋友都係year4 ，一直感情都好穩定，都有諗過之後會結婚，
點知上個月發現自己有咗，我哋考慮咗好耐，決定畢業後結婚同生個BB落嚟，
雖然我屋企人一開始都接受唔到，但最後都係決定尊重同支持我，
於是兩家人係時候要坐低食餐飯見個面，一開始男方父母態度都幾好，
但到討論結婚時，佢哋居然提出要我驗DNA，我男朋友都好錯愕，
我阿爸阿媽聽到緊係黑晒面，問佢哋咩意思，對方反問如果問心無愧會驚驗DNA？
我阿媽即刻拉我起身走，我男朋友有追上嚟話會同屋企人講清楚，
但我阿媽嘅意思係對方父母咁對我，嫁過去唔會好受。
目前係一個僵局，點拆。。。
