同男朋友去旅行 佢話想帶埋呀媽去
匿名
我接受唔到係我問題⋯⋯？
事緣同男朋友最近Plan緊年底去英國旅行順便探下啲移咗民嘅朋友
佢琴晚問我如果佢帶埋呀媽佢得唔得
咁我都好誠實同佢講 我唔想
因為我同佢呀媽真係相處唔到
佢就同我講 佢好想帶呀媽周圍去
因為佢呀媽邊到都冇去過
我就同佢講 一係你今年同佢去先
反正我地成世人流流長 點都會有機會再去
老人家老得快 過多年可能已經老到冇能力週圍去
但係佢聽完就覺得我唔體諒佢==??????
我覺得自己已經讓咗好大步
全部留言
G
God Bless
好想帶呀媽周圍去咪自己帶，你都讓哂步。
定係佢想你地一齊share埋佢媽媽d住宿洗費？
B2
B0 佢老母可唔可以帶埋朋友一齊去？
如果可以
你男朋友同佢老母（加埋佢朋友）先玩兩個星期
而你就同你移民咗嘅朋友去玩
兩星期後同男朋友meet up，之後佢老母自己同個fd去玩，你同你男朋友去玩，到最後兩三日，買份禮物再同伯母食餐飯🧐
樓主都願意理解讓步提出咗可以俾男朋友同阿媽去先。仲講咩唔體諒吖…平時都相處唔到唔通一齊去會有好結果咩？
啊男朋友想帶屋企人去旅行係孝順嘅，至於媽唔媽寶，唔知佢平時會唔會做咩都提阿媽嗰啲啦。我自己就真係好想帶兩老去下旅行去玩下，尤其係父母有病做完手術化療之後身體差咗好多之後，feel到自己可以孝順佢地嘅時間可能唔係好多。所以見到樓主男朋友想帶埋阿媽去旅行真係唔覺得有幾媽寶。
成件事最大問題就係佢衰在唔識睇情況做人囉(冇時間去多次？懶唔想拆開兩次去？)魚與熊掌不可兼得仲想why not both。呢下唔夠醒啦，婆媳關係唔好咁做淨係會搞到女朋友又唔開心阿媽又對女朋友有不滿，自以為嘅雙贏結果係旅行未去就雙輸啊。